1 сакавіка, Мінск /Кар. БЕЛТА/. У спартыўна-стралковым комплексе імя Цімашэнкі стартаваў Адкрыты чэмпіянат Рэспублікі Беларусь па стральбе з лука ў памяшканні, паведамілі БЕЛТА ў прэс-службе РЦАП па стралковых відах спорту.
Удзел у спаборніцтвах прымаюць амаль 130 беларускіх лучнікаў, а таксама спартсмены з Расіі. Пераможцы ў стральбе з класічнага і блочнага лукаў будуць вызначаны ў асабістых і камандных заліках, а таксама сярод змешаных пар.
У сераду ў ССК імя Цімашэнкі пройдзе кваліфікацыя ў мужчын і жанчын, у чацвер адбудуцца індывідуальныя спаборніцтвы, на 3 сакавіка запланаваны камандныя турніры і змешаныя спаборніцтвы. Фіналы ва ўсіх дысцыплінах пройдуць у заключны дзень чэмпіянату 4 сакавіка.-0-
