24 студзеня, Магілёў /Сяргей Кулягін - БЕЛТА/. У Магілёве 28-30 студзеня пройдзе адкрыты чэмпіянат Беларусі па лёгкай атлетыцы ў памяшканні на прызы газеты "Спортивная панорама", прысвечаны 100-годдзю ўтварэння БССР. Аб гэтым БЕЛТА паведамілі ў Беларускай федэрацыі лёгкай атлетыкі.
Месца правядзення зімовых чэмпіянатаў краіны даўно замацавалася за магілёўскім СК "Алімпіец". Тут традыцыйна збіраюцца топавыя беларускія лёгкаатлеты, якія дэманструюць дастойныя вынікі, волю да перамогі і сапраўдную барацьбу за званне чэмпіёна.
Лепшых вызначаць у 16 відах праграмы: бегу на розныя дыстанцыі, спартыўнай хадзьбе, скачках у даўжыню і вышыню, штурханні ядра і іншых. У атлетаў 28 студзеня запланавана размінка, 29 студзеня - афіцыйны старт спаборніцтваў. На чэмпіянат прыедуць самыя вядомыя атлеты краіны. У госці чакаюць і зборную Ізраіля.
"Для нашых спартсменаў - гэта важны старт, паколькі на кон пастаўлены пуцёўкі на чэмпіянат Еўропы ў Глазга, - адзначылі субяседнікі. - Таму ўпэўнены, што ўсіх чакае яркая і сумленная барацьба, напал пачуццяў у сектарах і на дарожках і, вядома ж, дастойныя вынікі".-0-
