Фота з архіва
29 студзеня, Магілёў /Кар. БЕЛТА/. Абласныя фінальныя спаборніцтвы сярод дзяцей і падлеткаў па біятлоне "Снежны снайпер" на прызы Прэзідэнцкага спартыўнага клуба сабралі больш за 300 удзельнікаў. Яны праходзяць з 29 па 31 студзеня ў Чавусах, перадае карэспандэнт БЕЛТА.
"Ідэя гэтых спаборніцтваў - знайсці адораных дзяцей для заняткаў біятлонам, і цікавыя ўдзельнікі ёсць у кожнай узроставай групе, - падкрэсліў дырэктар СДЮШАР Чавускага раёна Аляксандр Дарафееў. - Нашы трэнеры ўжо бачаць перспектыўных дзяцей, якіх мы хацелі б бачыць у ліку навучэнцаў сваёй школы, бо ў нас яны змогуць займацца біятлонам на высокім прафесійным узроўні. Не хочацца, каб на самай справе таленавітыя і здольныя дзеці пасля ўдзелу ў "Снежным снайперы" ўсё закінулі і забылі. У нас ёсць усё неабходнае, каб развіцца далей - і педагогі, і матэрыяльная база. Цалкам магчыма, што і сёння сярод удзельнікаў ёсць будучыя алімпійскія чэмпіёны".
Абласныя спаборніцтвы арганізаваны ў трох узроставых групах: малодшая - дзяўчынкі і хлопчыкі 2013-2014 гадоў нараджэння, сярэдняя - 2011-2012-х, старэйшая - 2009-2010-х. У каманду кожнага раёна, а таксама Магілёва і Бабруйска ўвайшлі па 14 чалавек, у тым ліку 12 навучэнцаў і два прадстаўнікі ад навучальнай установы. Спаборніцтвы праходзяць у два этапы. Пераможцаў у асабістым і камандным першынствах вызначаць ва ўсіх узроставых групах у кожным відзе праграмы - спрынтарская гонка, мас-старт або змешаная эстафета. Лепшыя з лепшых трапяць у фінал, які адбудзецца на рэспубліканскай біятлоннай трасе ў Раўбічах. Па выніках абласнога этапу будзе сфарміравана каманда Магілёўскай вобласці, куды ўвойдзе па 8 чалавек у кожнай узроставай групе.
Сямікласніца Вольга Канаплёва прыехала на спаборніцтвы з аграгарадка Ціманава Клімавіцкага раёна. Яна займаецца спортам паўтара года - гаворыць, лыжамі захапілася ўслед за аднакласніцай, якая наведвала адпаведную секцыю. Жаданне паспрабаваць сябе ў гэтым відзе спорту перарасло ў сур'ёзнае хобі. Цяпер разам з сяброўкай яны ўзмоцнена трэніруюцца па чатыры разы на тыдзень і мараць аб дасягненні спартыўных вышынь. "Спорт вельмі люблю, у "Снежным снайперы" на раёне была першай - гэта вельмі прыемна", - дзеліцца ўдзельніца.
Наталля Камінская з Круглага, мама 12-гадовых двайнятак Арыны і Дарыны, з любоўю і гонарам расказвае пра поспехі сваіх дачок. "На "Снежным снайперы" выступаем ужо трэці год, у пазамінулым годзе Арына стала пятай на рэспубліцы - выдатны вынік, - адзначае яна. - У свой час я прафесійна займалася лёгкай атлетыкай, таму нядзіўна, што маім дзяўчынкам любоў да спорту перадалася генетычна".
Яшчэ адна жыхарка Круглага Марыя Поршнева балее за 12-гадовага сына Яўгена. Прызнаецца, што яны не прафесіяналы, а аматары - хлопчык з задавальненнем катаецца зімой на лыжах у школе. Аднак гэта не перашкодзіла яму заняць другое месца на раённым этапе спаборніцтваў. "Спартыўнае мерапрыемства такога ўзроўню для нас у навінку, удзельнічаем у ім упершыню, - падкрэсліла яна. - Перапаўняе радасць і гонар за поспехі сына. Да абласнога этапу падышлі падрыхтаванымі - з правільным маральным настроем і канцэнтрацыяй, а таксама доўгім трэніровачным працэсам, які папярэднічаў гэтым спаборніцтвам. Спадзяёмся трапіць у лік лепшых".-0-
"Ідэя гэтых спаборніцтваў - знайсці адораных дзяцей для заняткаў біятлонам, і цікавыя ўдзельнікі ёсць у кожнай узроставай групе, - падкрэсліў дырэктар СДЮШАР Чавускага раёна Аляксандр Дарафееў. - Нашы трэнеры ўжо бачаць перспектыўных дзяцей, якіх мы хацелі б бачыць у ліку навучэнцаў сваёй школы, бо ў нас яны змогуць займацца біятлонам на высокім прафесійным узроўні. Не хочацца, каб на самай справе таленавітыя і здольныя дзеці пасля ўдзелу ў "Снежным снайперы" ўсё закінулі і забылі. У нас ёсць усё неабходнае, каб развіцца далей - і педагогі, і матэрыяльная база. Цалкам магчыма, што і сёння сярод удзельнікаў ёсць будучыя алімпійскія чэмпіёны".
Абласныя спаборніцтвы арганізаваны ў трох узроставых групах: малодшая - дзяўчынкі і хлопчыкі 2013-2014 гадоў нараджэння, сярэдняя - 2011-2012-х, старэйшая - 2009-2010-х. У каманду кожнага раёна, а таксама Магілёва і Бабруйска ўвайшлі па 14 чалавек, у тым ліку 12 навучэнцаў і два прадстаўнікі ад навучальнай установы. Спаборніцтвы праходзяць у два этапы. Пераможцаў у асабістым і камандным першынствах вызначаць ва ўсіх узроставых групах у кожным відзе праграмы - спрынтарская гонка, мас-старт або змешаная эстафета. Лепшыя з лепшых трапяць у фінал, які адбудзецца на рэспубліканскай біятлоннай трасе ў Раўбічах. Па выніках абласнога этапу будзе сфарміравана каманда Магілёўскай вобласці, куды ўвойдзе па 8 чалавек у кожнай узроставай групе.
Сямікласніца Вольга Канаплёва прыехала на спаборніцтвы з аграгарадка Ціманава Клімавіцкага раёна. Яна займаецца спортам паўтара года - гаворыць, лыжамі захапілася ўслед за аднакласніцай, якая наведвала адпаведную секцыю. Жаданне паспрабаваць сябе ў гэтым відзе спорту перарасло ў сур'ёзнае хобі. Цяпер разам з сяброўкай яны ўзмоцнена трэніруюцца па чатыры разы на тыдзень і мараць аб дасягненні спартыўных вышынь. "Спорт вельмі люблю, у "Снежным снайперы" на раёне была першай - гэта вельмі прыемна", - дзеліцца ўдзельніца.
Наталля Камінская з Круглага, мама 12-гадовых двайнятак Арыны і Дарыны, з любоўю і гонарам расказвае пра поспехі сваіх дачок. "На "Снежным снайперы" выступаем ужо трэці год, у пазамінулым годзе Арына стала пятай на рэспубліцы - выдатны вынік, - адзначае яна. - У свой час я прафесійна займалася лёгкай атлетыкай, таму нядзіўна, што маім дзяўчынкам любоў да спорту перадалася генетычна".
Яшчэ адна жыхарка Круглага Марыя Поршнева балее за 12-гадовага сына Яўгена. Прызнаецца, што яны не прафесіяналы, а аматары - хлопчык з задавальненнем катаецца зімой на лыжах у школе. Аднак гэта не перашкодзіла яму заняць другое месца на раённым этапе спаборніцтваў. "Спартыўнае мерапрыемства такога ўзроўню для нас у навінку, удзельнічаем у ім упершыню, - падкрэсліла яна. - Перапаўняе радасць і гонар за поспехі сына. Да абласнога этапу падышлі падрыхтаванымі - з правільным маральным настроем і канцэнтрацыяй, а таксама доўгім трэніровачным працэсам, які папярэднічаў гэтым спаборніцтвам. Спадзяёмся трапіць у лік лепшых".-0-
