20 верасня, Мінск /Кар. БЕЛТА/. Хакеісты мінскага "Дынама" пасля 7 тураў чэмпіянату КХЛ знаходзяцца на лідзіруючых пазіцыях у рэйтынгах турніру, паведамляе карэспандэнт БЕЛТА са спасылкай на афіцыйны сайт беларускага клуба.
Марк-Андрэ Граньяні, які закінуў вырашальную шайбу "Амуру", займае 3-е месца ў спісе снайпераў-абаронцаў лігі. У 7 матчах Граньяні быў дакладны тройчы і аддаў рэзультатыўную перадачу. На аналагічнай пазіцыі ў спісе асістэнтаў лігі Дру Шор, які ў 7 матчах зрабіў 6 галявых перадач.
Па паказчыку карыснасці "плюс-мінус" у топ-5 трапілі адразу два "зубры". Франсіс Парэ і Алег Явенка дзеляць 2-3-я месцы з паказчыкам +6. Акрамя таго, Явенка ўваходзіць у топ-5 "штрафнікоў": на яго рахунку 27 хвілін штрафнога часу.
Тэему Пулкінен замыкае тройку ігракоў па колькасці сярэдняга гульнявога часу на лёдзе сярод нападаючых - 21 хвіліна 14 секунд. Марк-Андрэ Граньяні ў аналагічным рэйтынгу сярод абаронцаў на другой пазіцыі: яго "айс-тайм" складае 24 хвіліны 53 секунды. Абаронца Стэфан Эліят займае трэцяе месца ў КХЛ як адзін з самых блакіруючых кідкі ігракоў свайго амплуа. Канадзец за 7 матчаў, праведзеных у форме "зуброў", уставаў на шляху шайбы 16 разоў.-0-
