Мабільная версія
ДЗЯРЖОРГАНЫ

Апошнія навіны
Усе навіны

Звяно закупленых у Расіі знішчальнікаў Су-30СМ у бліжэйшыя дні прыбудзе ў Беларусь - Раўкоў

Грамадства 12.11.2019 | 16:03
Фота з архіва
Фота з архіва

12 лістапада, Барысаў /Кар. БЕЛТА/. Звяно закупленых у Расіі знішчальнікаў Су-30СМ у бліжэйшыя дні прыбудзе ў Беларусь. Аб гэтым сёння на семінары для кіраўнікоў рэспубліканскіх СМІ паведаміў міністр абароны Беларусі Андрэй Раўкоў, перадае карэспандэнт БЕЛТА.

"Па дзяржаўным абаронным заказе ажыццяўляецца пастаўка мнагамэтавых знішчальнікаў Су-30СМ. Заўтра днём плануецца пасадка двух знішчальнікаў на Баранавіцкім аэрадроме", - сказаў Андрэй Раўкоў. Ён дадаў, што на наступным тыдні павінна прыбыць яшчэ пара знішчальнікаў.

Самалёты, якія павінны перасекчы граніцу Беларусі заўтра, сёння раніцай вылецелі з аэрадрома Іркуцка, згодна з планам у іх дазапраўка ў Омску, потым пасадка на падмаскоўным аэрадроме.

У бягучым годзе пастаўлена ўжо звяно вучэбна-баявых самалётаў Як-130 - у 116-й гвардзейскай штурмавой авіяцыйнай базе была сфарміравана эскадрылля з 12 такіх машын. Раней партыі па чатыры самалёты паступалі на базу ў 2015-м і 2016 гадах. Як-130 дае магчымасць рыхтаваць лётчыкаў у тым ліку на знішчальнікі Су-30СМ.

У войскі таксама паступілі бронетранспарцёры БТР-70МБ1, браніраваныя машыны "Кайман", мадэрнізаваныя радыёрэлейныя станцыі, радыёстанцыі, радыёэлектронныя стрэльбы "Граза - Р2" і іншыя ўзоры, якія па сваіх тактыка-тэхнічных характарыстыках не ўступаюць лепшым замежным аналагам, а ў шэрагу выпадкаў іх пераўзыходзяць. Напрыклад, распрацаваны айчыннымі прадпрыемствамі комплекс сродкаў аўтаматызацыі рухомага каманднага пункта радыётэхнічнай брыгады мае магчымасць адначасовай апрацоўкі інфармацыі не менш як па 1 тыс. паветраных аб'ектаў. Гэтыя характарыстыкі перавышаюць магчымасці ўсіх замежных аналагаў.

Закуплены і пастаўлены ў войскі мадэрнізаваныя ПТКР 9M113M, прызначаныя для паражэння бранятанкавай тэхнікі з дынамічнай абаронай, умацаваных агнявых пунктаў, нерухомых і рухомых наземных цэлей і нават нізкалятаючых верталётаў, прычым у складаных метэаўмовах і ў розны час сутак на далёкасцях да 4 тыс. м. У выніку мадэрнізацыі ракета атрымала дадатковы кумулятыўны зарад, павялічана бронепрабівальнасць з 250 мм да 375 мм, забяспечана гарантаванае пераадоленне дынамічнай абароны.

Як паведамлялася, дагавор на пастаўку самалётаў быў падпісаны ў 2017 годзе. Згодна з кантрактам з расійскім прадпрыемствам у 2019 годзе планавалася пастаўка першага звяна Су-30СМ. У ім чатыры самалёты. Кантракт заключаўся ў мэтах абнаўлення парка баявых лятальных апаратаў. У планах набыццё 12 машын.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.