Фота з архіва
7 чэрвеня, Мінск /Кар. БЕЛТА/. Адбылася рабочая сустрэча старшыні Савета Рэспублікі Наталлі Качанавай і намесніка старшыні Савета Федэрацыі Юрыя Вараб'ёва. Аб гэтым БЕЛТА паведамілі ў прэс-службе верхняй палаты парламента.
У гэтыя дні праходзіць рабочы візіт дэлегацыі Савета Федэрацыі на чале з Юрыем Вараб'ёвым у Віцебску, Полацку і Наваполацку. Мэта - удзел у сумесным пасяджэнні беларускага і расійскага арганізацыйных камітэтаў па падрыхтоўцы і правядзенні ХІ Форуму рэгіёнаў Беларусі і Расіі, ацэнка гатоўнасці аб'ектаў і пляцовак, задзейнічаных пры правядзенні форуму.
Напярэдадні дэлегацыя наведала Віцебскі аэрапорт "Усходні", ААТ "Віцебскія дываны", Летні амфітэатр, плошчу Перамогі, канцэртную залу "Віцебск", дзе пройдзе ключавое мерапрыемства ХІ Форуму рэгіёнаў Беларусі і Расіі - пленарнае пасяджэнне. Акрамя таго, удзельнікі аргкамітэта азнаёміліся з гатоўнасцю пляцовак, на якіх запланавана работа секцый.
У ходзе сумеснага пасяджэння беларускага і расійскага арганізацыйных камітэтаў разгледжаны канцэптуальныя пытанні арганізацыі і правядзення Форуму рэгіёнаў, уключаючы падрыхтоўку пасяджэнняў дзевяці секцый; сустрэчы старшыні Савета Рэспублікі Наталлі Качанавай і старшыні Савета Федэрацыі Валянціны Мацвіенка з кіраўнікамі органаў дзяржаўнай улады рэгіёнаў Беларусі і суб'ектаў Расійскай Федэрацыі; а таксама пытанні арганізацыі падпісання пагадненняў аб супрацоўніцтве і іншых дакументаў, культурнай праграмы.
Сёння беларускія і расійскія парламентарыі пабывалі ў Полацку і Наваполацку, дзе будуць праводзіцца секцыі форуму. Прадстаўнікі верхніх палат парламентаў Беларусі і Расіі наведалі некалькі пляцовак, даведаліся, як ідзе рэканструкцыя і рамонт, падрыхтоўка інфраструктуры ў задзейнічаных гарадах. У ліку аб'ектаў - былы Дом афіцэраў, Кадэцкае вучылішча, Сафійскі сабор, Спаса-Ефрасіннеўскі жаночы манастыр у Полацку, завод "Палімір" ААТ "Нафтан" у Наваполацку, а таксама іншыя пляцоўкі, на якіх у час форуму будзе абмяркоўвацца міжрэгіянальнае супрацоўніцтва дзвюх краін.
Рабочая сустрэча старшыні Савета Рэспублікі Наталлі Качанавай і намесніка старшыні Савета Федэрацыі Юрыя Вараб'ёва была прысвечана зверцы пазіцый па ключавых пытаннях арганізацыі маштабнага мерапрыемства Саюзнай дзяржавы, абмеркаванню далейшых перспектыў беларуска-расійскага міжпарламенцкага супрацоўніцтва.
Юрый Вараб'ёў высока ацаніў ход падрыхтоўкі да правядзення мерапрыемстваў Форуму рэгіёнаў.-0-
У гэтыя дні праходзіць рабочы візіт дэлегацыі Савета Федэрацыі на чале з Юрыем Вараб'ёвым у Віцебску, Полацку і Наваполацку. Мэта - удзел у сумесным пасяджэнні беларускага і расійскага арганізацыйных камітэтаў па падрыхтоўцы і правядзенні ХІ Форуму рэгіёнаў Беларусі і Расіі, ацэнка гатоўнасці аб'ектаў і пляцовак, задзейнічаных пры правядзенні форуму.
Напярэдадні дэлегацыя наведала Віцебскі аэрапорт "Усходні", ААТ "Віцебскія дываны", Летні амфітэатр, плошчу Перамогі, канцэртную залу "Віцебск", дзе пройдзе ключавое мерапрыемства ХІ Форуму рэгіёнаў Беларусі і Расіі - пленарнае пасяджэнне. Акрамя таго, удзельнікі аргкамітэта азнаёміліся з гатоўнасцю пляцовак, на якіх запланавана работа секцый.
У ходзе сумеснага пасяджэння беларускага і расійскага арганізацыйных камітэтаў разгледжаны канцэптуальныя пытанні арганізацыі і правядзення Форуму рэгіёнаў, уключаючы падрыхтоўку пасяджэнняў дзевяці секцый; сустрэчы старшыні Савета Рэспублікі Наталлі Качанавай і старшыні Савета Федэрацыі Валянціны Мацвіенка з кіраўнікамі органаў дзяржаўнай улады рэгіёнаў Беларусі і суб'ектаў Расійскай Федэрацыі; а таксама пытанні арганізацыі падпісання пагадненняў аб супрацоўніцтве і іншых дакументаў, культурнай праграмы.
Сёння беларускія і расійскія парламентарыі пабывалі ў Полацку і Наваполацку, дзе будуць праводзіцца секцыі форуму. Прадстаўнікі верхніх палат парламентаў Беларусі і Расіі наведалі некалькі пляцовак, даведаліся, як ідзе рэканструкцыя і рамонт, падрыхтоўка інфраструктуры ў задзейнічаных гарадах. У ліку аб'ектаў - былы Дом афіцэраў, Кадэцкае вучылішча, Сафійскі сабор, Спаса-Ефрасіннеўскі жаночы манастыр у Полацку, завод "Палімір" ААТ "Нафтан" у Наваполацку, а таксама іншыя пляцоўкі, на якіх у час форуму будзе абмяркоўвацца міжрэгіянальнае супрацоўніцтва дзвюх краін.
Рабочая сустрэча старшыні Савета Рэспублікі Наталлі Качанавай і намесніка старшыні Савета Федэрацыі Юрыя Вараб'ёва была прысвечана зверцы пазіцый па ключавых пытаннях арганізацыі маштабнага мерапрыемства Саюзнай дзяржавы, абмеркаванню далейшых перспектыў беларуска-расійскага міжпарламенцкага супрацоўніцтва.
Юрый Вараб'ёў высока ацаніў ход падрыхтоўкі да правядзення мерапрыемстваў Форуму рэгіёнаў.-0-
