![](https://blr.belta.by/images/storage/news/with_archive/2024/000022_1720714833_133434_big.jpg)
11 ліпеня, Віцебск /Кар. БЕЛТА/. На "Славянскім базары ў Віцебску" адкрылі імянную зорку народнага артыста Расіі Рыгора Лепса, перадае карэспандэнт БЕЛТА.
Алея лаўрэатаў, удастоеных спецыяльнай узнагароды Прэзідэнта Беларусі "Праз мастацтва - да міру і ўзаемаразумення", каля Летняга амфітэатра ў Віцебску папоўнілася юбілейным імянным васільком. У гэтым годзе ўладальнікам высокай узнагароды-прэміі стаў расійскі эстрадны спявак, музыкант, кампазітар і музычны прадзюсар Рыгор Лепс.
![](https://img.belta.by/uploads/2024-07-Images/AHIT9669_1.JPG)
"Сёння на Алеі зорак запальваецца новая яркая зорка народнага артыста Расійскай Федэрацыі, унікальнага спевака, выдатнага прадзюсара Рыгора Віктаравіча Лепса. Паважаны Рыгор Віктаравіч, я спадзяюся, што вы сёння вельмі шчаслівы чалавек, таму што сталі лаўрэатам спецыяльнай узнагароды Прэзідэнта Рэспублікі Беларусь "Праз мастацтва - да міру і ўзаемаразумення". Гэта з'яўляецца пацвярджэннем вашага таленту на самым высокім узроўні. Кіраўнік дзяржавы ацаніў вашу работу, як і жыхары Беларусі. Вас ведаюць ва ўсім свеце, вашы песні гучаць у эфіры ўсіх радыёстанцый, а канцэрты збіраюць аншлагавыя залы. Усё таму, што ў вашых песнях жыве сапраўдная душа", - сказаў міністр культуры Беларусі Анатоль Маркевіч.
![](https://img.belta.by/uploads/2024-07-Images/AHIT9813_1.JPG)
Рыгор Лепс адзначыў, што для яго гэта першая зорка, і выказаў надзею, што і не апошняя.
"Вялікі дзякуй беларускаму народу, культуры беларускага народа. Вялікі дзякуй вам і ўсім тым, хто ацаніў, спадзяюся, па заслугах маю працу. Вялікі дзякуй Прэзідэнту. Я паважаю ваш народ, шчыра лічу яго братэрскім народам, хоць з'яўляюся грузінам, але рускага паходжання", - сказаў ён.
Уручэнне адбудзецца сёння на канцэрце ўрачыстага адкрыцця ХХХІІІ Міжнароднага фестывалю мастацтваў "Славянскі базар у Віцебску".-0-
Алея лаўрэатаў, удастоеных спецыяльнай узнагароды Прэзідэнта Беларусі "Праз мастацтва - да міру і ўзаемаразумення", каля Летняга амфітэатра ў Віцебску папоўнілася юбілейным імянным васільком. У гэтым годзе ўладальнікам высокай узнагароды-прэміі стаў расійскі эстрадны спявак, музыкант, кампазітар і музычны прадзюсар Рыгор Лепс.
"Вялікі дзякуй беларускаму народу, культуры беларускага народа. Вялікі дзякуй вам і ўсім тым, хто ацаніў, спадзяюся, па заслугах маю працу. Вялікі дзякуй Прэзідэнту. Я паважаю ваш народ, шчыра лічу яго братэрскім народам, хоць з'яўляюся грузінам, але рускага паходжання", - сказаў ён.
Уручэнне адбудзецца сёння на канцэрце ўрачыстага адкрыцця ХХХІІІ Міжнароднага фестывалю мастацтваў "Славянскі базар у Віцебску".-0-
Фота Аляксандра Хітрова