Фота з архіва
7 лютага, Мінск /Кар. БЕЛТА/. У Башкортастане ў белавежскіх зуброў нарадзілася ўжо пяць цялят. Рэалізацыя гэтага важнага экалагічнага праекта абмяркоўвалася на сустрэчы ў Прэзідэнта Беларусі, расказаў журналістам кіраўнік Башкортастана Радзій Хабіраў, перадае карэспандэнт БЕЛТА.
"Аляксандр Рыгоравіч таксама пацікавіўся. Мы пачалі навуковы, але вельмі дарагі для нас экалагічны праект. Гэта ўзнаўленне статка зуброў у Башкортастане. Мы дзякуючы падтрымцы Прэзідэнта адзін статак набылі - 18 галоў. Цяпер іх у нас ужо 23. У нас 5 цялят з'явілася. Гэта знакавы, эмацыянальны праект дружбы і супрацоўніцтва", - расказаў Радзій Хабіраў.
Як паведамлялася раней, ідэю аб стварэнні беларускай папуляцыі зуброў у Башкортастане прапанаваў кіраўнік спраў Прэзідэнта Юрый Назараў у час рабочай сустрэчы з кіраўніком Башкортастана Радзіем Хабіравым у Мінску, якая адбылася ў студзені 2023 года.
Колькасць папуляцыі ў Белавежскай пушчы дазваляе без урону прадаваць асобін зубра ў іншыя нацыянальныя паркі і запаведнікі. Першых дзевяць зуброў з Белавежскай пушчы ў Башкортастан завезлі ў маі 2023 года. Другая партыя прыбыла ў снежні. У Башкортастане статак размясцілі ў запаведніку на ахоўнай тэрыторыі пад наглядам спецыялістаў. Аб першым народжаным беларускім зубраняці ў Башкортастане стала вядома ў чэрвені мінулага года.-0-
Падпісвайцеся на нас у
