14 красавіка, Наваполацк /Алеся Пушнякова - БЕЛТА/. На сустрэчы з калектывам ААТ "Нафтазаводмантаж" старшыня Савета Рэспублікі Нацыянальнага сходу Наталля Качанава абмеркавала пытанні развіцця рэгіёна ў цэлым і прадпрыемства ў прыватнасці, перадае карэспандэнт БЕЛТА.
Генеральны дырэктар ААТ "Нафтазаводмантаж" Мікалай Ярэміч на сустрэчы са старшынёй Савета Рэспублікі расказаў аб бягучай фінансавай сітуацыі і перспектывах развіцця прадпрыемства. Наталля Качанава пагутарыла з працоўным калектывам у адным з цэхаў.
Спікер адзначыла, што "Нафтазаводмантаж" з'яўляецца адным са значных прадпрыемстваў Наваполацка і яго трэба захаваць.
Наталля Качанава падкрэсліла, што ў нашай краіне ёсць вялікі пакет сацгарантый - дапамогі, у тым ліку для шматдзетных сем'яў, даступная ахова здароўя і адукацыя. Яна нагадала, што ў гэтым годзе Прэзідэнт падпісаў указ, па якім мясцовым уладам, кіраўнікам прадпрыемстваў можна браць крэдыты на ўзвядзенне такога жылля і затым размяркоўваць яго па неабходнасці, у тым ліку сярод маладых спецыялістаў для замацавання іх на месцах.
"Задачы перад усімі стаяць няпростыя, у 2025 годзе заканчваецца пяцігодка, фарміруюцца новыя праграмы на новае пяцігоддзе", - адзначыла старшыня Савета Рэспублікі.
Спікер расказала, што заўсёды цікавіцца развіццём Полацка і Наваполацка, унікае ў многія пытанні. Яна праінфармавала, што, напрыклад, будаўніцтва другога моста ў Наваполацку не знята з парадку дня, яно прапрацоўваецца на высокім узроўні.
"Мы ўсе разумеем, што для таго, каб жыць нармальна, трэба працаваць. У Наваполацку гэта разумеюць як нідзе, таму што гэта горад-працаўнік", - сказала Наталля Качанава.
Работнікі ААТ "Нафтазаводмантаж" пацікавіліся ў спікера, як можна вырашыць пытанне з набыццём пуцёвак у аздараўленчыя лагеры для школьнікаў. Адзін з работнікаў прадпрыемства ўнёс прапанову для сферы ЖКГ - у час капрамонту ў шматпавярховых дамах будаваць пандусы, каб па іх маглі бяспечна спускацца пенсіянеры, мамы з каляскамі. Таксама калектыў ААТ "Нафтазаводмантаж" абмеркаваў са спікерам тэмы медыцынскіх паслуг і медстрахоўкі, добраўпарадкавання набярэжнай у горадзе. Усе пытанні Наталля Качанава ўзяла на асабісты кантроль.
ААТ "Нафтазаводмантаж" з'яўляецца генпадраднай будаўніча-мантажнай арганізацыяй, якая спецыялізуецца на ўзвядзенні аб'ектаў хімічнага, нафтахімічнага і нафтаперапрацоўчага комплексаў. У скарбонцы прадпрыемства - удзел у будаўніцтве ўстаноўкі запаволенага каксавання, рэканструкцыя ўстаноўкі першаснай перапрацоўкі нафты, будаўніцтва склада вадкага аміяку завода "Палімір" ААТ "Нафтан".-0-
Генеральны дырэктар ААТ "Нафтазаводмантаж" Мікалай Ярэміч на сустрэчы са старшынёй Савета Рэспублікі расказаў аб бягучай фінансавай сітуацыі і перспектывах развіцця прадпрыемства. Наталля Качанава пагутарыла з працоўным калектывам у адным з цэхаў.
Спікер адзначыла, што "Нафтазаводмантаж" з'яўляецца адным са значных прадпрыемстваў Наваполацка і яго трэба захаваць.
Наталля Качанава падкрэсліла, што ў нашай краіне ёсць вялікі пакет сацгарантый - дапамогі, у тым ліку для шматдзетных сем'яў, даступная ахова здароўя і адукацыя. Яна нагадала, што ў гэтым годзе Прэзідэнт падпісаў указ, па якім мясцовым уладам, кіраўнікам прадпрыемстваў можна браць крэдыты на ўзвядзенне такога жылля і затым размяркоўваць яго па неабходнасці, у тым ліку сярод маладых спецыялістаў для замацавання іх на месцах.
"Задачы перад усімі стаяць няпростыя, у 2025 годзе заканчваецца пяцігодка, фарміруюцца новыя праграмы на новае пяцігоддзе", - адзначыла старшыня Савета Рэспублікі.
Спікер расказала, што заўсёды цікавіцца развіццём Полацка і Наваполацка, унікае ў многія пытанні. Яна праінфармавала, што, напрыклад, будаўніцтва другога моста ў Наваполацку не знята з парадку дня, яно прапрацоўваецца на высокім узроўні.
"Мы ўсе разумеем, што для таго, каб жыць нармальна, трэба працаваць. У Наваполацку гэта разумеюць як нідзе, таму што гэта горад-працаўнік", - сказала Наталля Качанава.
Работнікі ААТ "Нафтазаводмантаж" пацікавіліся ў спікера, як можна вырашыць пытанне з набыццём пуцёвак у аздараўленчыя лагеры для школьнікаў. Адзін з работнікаў прадпрыемства ўнёс прапанову для сферы ЖКГ - у час капрамонту ў шматпавярховых дамах будаваць пандусы, каб па іх маглі бяспечна спускацца пенсіянеры, мамы з каляскамі. Таксама калектыў ААТ "Нафтазаводмантаж" абмеркаваў са спікерам тэмы медыцынскіх паслуг і медстрахоўкі, добраўпарадкавання набярэжнай у горадзе. Усе пытанні Наталля Качанава ўзяла на асабісты кантроль.
ААТ "Нафтазаводмантаж" з'яўляецца генпадраднай будаўніча-мантажнай арганізацыяй, якая спецыялізуецца на ўзвядзенні аб'ектаў хімічнага, нафтахімічнага і нафтаперапрацоўчага комплексаў. У скарбонцы прадпрыемства - удзел у будаўніцтве ўстаноўкі запаволенага каксавання, рэканструкцыя ўстаноўкі першаснай перапрацоўкі нафты, будаўніцтва склада вадкага аміяку завода "Палімір" ААТ "Нафтан".-0-
Падпісвайцеся на нас у
