8 чэрвеня, Мінск /Кар. БЕЛТА/. Згодна з планам падрыхтоўкі органаў кіравання тэрытарыяльнай абароны і воінскіх часцей тэрытарыяльных войскаў з 8 па 29 чэрвеня пад кіраўніцтвам старшыні Луніненцкага райвыканкама праводзіцца вучэбны збор з ваеннаабавязанымі тэрытарыяльных войскаў. Аб гэтым БЕЛТА паведамілі ў Міністэрстве абароны.
Мэтай збору з'яўляецца падрыхтоўка службовых асоб райвыканкама да фарміравання воінскіх часцей тэрытарыяльных войскаў. Акрамя таго, адной з задач з'яўляецца падрыхтоўка ваеннаабавязаных да выканання задач па прызначэнні.
На зборы будзе ажыццёўлены прыём ваеннаабавязаных тэрытарыяльных войскаў і іх усебаковае забеспячэнне. Пры гэтым будзе задзейнічана мясцовая база мабілізацыйнага разгортвання. Ваеннаабавязаныя будуць падрыхтаваны да выканання задач згодна з ваенна-ўліковымі спецыяльнасцямі і службовым прызначэннем. Збор таксама дасць магчымасць каманднаму складу штаба раёна і батальёна тэрытарыяльных войскаў аднавіць навыкі ў кіраванні падначаленымі. На зборы будуць адпрацаваны пытанні фарміравання, падрыхтоўкі і прымянення атрада народнага апалчэння.
Мерапрыемства завершыцца правядзеннем камандна-штабнога вучэння з сіламі тэрытарыяльнай абароны раёна.-0-
