16 кастрычніка, Ісламабад /Кар. БЕЛТА/. Завяршыўся рабочы візіт прэм'ер-міністра Беларусі Рамана Галоўчанкі ў Пакістан, паведамляе карэспандэнт БЕЛТА.
Кіраўнік беларускага ўрада ў час рабочага візіту сустрэўся з прэм'ер-міністрам Пакістана Шахбазам Шарыфам. Абмяркоўваліся пытанні супрацоўніцтва, у першую чаргу па рэалізацыі прамысловых праектаў. Пакістан зацікаўлены ў стварэнні сумесных з Беларуссю вытворчасцей у трактарабудаванні і перапрацоўцы малака.
Таксама Раман Галоўчанка прыняў удзел у пасяджэнні Савета кіраўнікоў урадаў дзяржаў - членаў Шанхайскай арганізацыі супрацоўніцтва. Для Беларусі гэта пасяджэнне было асаблівым - першым у статусе паўнапраўнага члена арганізацыі. Прэм'ер-міністр Беларусі падкрэсліў, што краіна зрабіла свядомы выбар на карысць членства ў ШАС. Таксама ён расказаў, чым Беларусь можа быць карысная арганізацыі і на якіх аспектах прапануе сканцэнтраваць намаганні і патэнцыял ШАС. У ліку прапаноў - стварэнне Банка развіцця і Фонду развіцця ШАС, Міжбіржавога саюза ШАС. Асаблівы акцэнт кіраўнік беларускага ўрада зрабіў на неабходнасці спалучэння розных інтэграцыйных аб'яднанняў на прасторы Еўразіі. Сярод іншых перспектыўных напрамкаў - развіццё агульнай транспартна-лагістычнай прасторы ШАС, узмацненне абмену вопытам у галіне навуковых даследаванняў, тэхналогій і інавацый з наступным укараненнем перадавых практык і рашэнняў, паглыбленне і ўмацаванне гуманітарных сувязей. Таксама ён заклікаў краіны ШАС да актыўнага ўдзелу ў дыскусіі па Еўразійскай хартыі разнастайнасці і шматпалярнасці ў XXI стагоддзі. Па выніках пасяджэння былі падпісаны дакументы аб узаемадзеянні.
Кіраўнік беларускага ўрада ў час рабочага візіту сустрэўся з прэм'ер-міністрам Пакістана Шахбазам Шарыфам. Абмяркоўваліся пытанні супрацоўніцтва, у першую чаргу па рэалізацыі прамысловых праектаў. Пакістан зацікаўлены ў стварэнні сумесных з Беларуссю вытворчасцей у трактарабудаванні і перапрацоўцы малака.
Таксама Раман Галоўчанка прыняў удзел у пасяджэнні Савета кіраўнікоў урадаў дзяржаў - членаў Шанхайскай арганізацыі супрацоўніцтва. Для Беларусі гэта пасяджэнне было асаблівым - першым у статусе паўнапраўнага члена арганізацыі. Прэм'ер-міністр Беларусі падкрэсліў, што краіна зрабіла свядомы выбар на карысць членства ў ШАС. Таксама ён расказаў, чым Беларусь можа быць карысная арганізацыі і на якіх аспектах прапануе сканцэнтраваць намаганні і патэнцыял ШАС. У ліку прапаноў - стварэнне Банка развіцця і Фонду развіцця ШАС, Міжбіржавога саюза ШАС. Асаблівы акцэнт кіраўнік беларускага ўрада зрабіў на неабходнасці спалучэння розных інтэграцыйных аб'яднанняў на прасторы Еўразіі. Сярод іншых перспектыўных напрамкаў - развіццё агульнай транспартна-лагістычнай прасторы ШАС, узмацненне абмену вопытам у галіне навуковых даследаванняў, тэхналогій і інавацый з наступным укараненнем перадавых практык і рашэнняў, паглыбленне і ўмацаванне гуманітарных сувязей. Таксама ён заклікаў краіны ШАС да актыўнага ўдзелу ў дыскусіі па Еўразійскай хартыі разнастайнасці і шматпалярнасці ў XXI стагоддзі. Па выніках пасяджэння былі падпісаны дакументы аб узаемадзеянні.
Беларусь удзельнічае ў ШАС з 2010 года ў статусе партнёра па дыялогу і з 2015 года - у статусе наглядальніка. У ліпені 2024 года Беларусь стала паўнапраўным членам арганізацыі.-0-
Падпісвайцеся на нас у
