Сцяг Пятніца, 29 сакавіка 2024
Усе навіны
Усе навіны
Грамадства
26 жніўня 2019, 10:01

Зарплаты медыкаў плануецца павысіць на 20 працэнтаў у 2020 годзе - Каранік

26 жніўня, Мінск /Кар. БЕЛТА/. Зарплаты медыкаў у 2020 годзе плануецца павысіць на 20 працэнтаў. Аб гэтым у эфіры тэлеканала АНТ заявіў міністр аховы здароўя Уладзімір Каранік, паведамляе карэспандэнт БЕЛТА.

Міністр сказаў, што Прэзідэнт паставіў задачу да 2025 года падвоіць зарплаты для медыцынскіх работнікаў. "Цяпер мяняюцца механізмы аплаты працы. Мы мяняем інструменты, - сказаў Уладзімір Каранік. - Аклад павышаецца істотна, але стымулюючых і кампенсуючых надбавак становіцца ўсяго толькі 13. Гэта той інструмент, які дасць магчымасць у далейшым даволі хутка і ўсім павышаць заработную плату. На 2020 год плануецца павышэнне ў памеры 20 працэнтаў".

"На сённяшні момант быў маленькі аклад і 44 надбаўкі (стымулюючага, кампенсуючага характару), якія ўстанаўліваліся альбо галоўным урачом, альбо прадстаўніком на месцах. Заўсёды быў нейкі элемент суб'ектывізму", - растлумачыў міністр.

Як паведамлялася, згодна з указам ад 18 студзеня нумар 27 "Аб аплаце працы работнікаў бюджэтных арганізацый" з 2020 года ўводзіцца новая сістэма аплаты працы. Асноўныя змяненні заключаюцца ў наступным: тарыфная стаўка першага разраду (Br36,4) замяняецца на базавую стаўку (Br180), замест 27-размернай адзінай тарыфнай сеткі ўводзіцца 18-разрадная. Новая тарыфная сетка прадугледжвае тарыфікацыю пасад: урачоў - з 7-га па 11-ы тарыфныя разрады, сярэдніх медработнікаў - з 3-га па 6-ы тарыфныя разрады, выразнае размежаванне паўнамоцтваў урада Беларусі, рэспубліканскіх органаў кіравання і бюджэтных арганізацый у вызначэнні ўмоў аплаты працы, устанаўленні стымулюючых надбавак і стымулюючых даплат.-0-

Падпісвайцеся на нас у
Twitter
Топ-навіны
Свежыя навіны Беларусі