17 чэрвеня, Мінскі раён /Кар. БЕЛТА/. У Беларусі абмяркоўваецца магчымасць выкарыстання сеткі медыцынскіх ПЛР-лабараторый, пашыранай у час пандэміі каранавіруса, для мэт ветэрынарыі. Гэта тэма закраналася 17 чэрвеня на выязным семінары-нарадзе ў Мінскім раёне з удзелам Прэзідэнта Беларусі Аляксандра Лукашэнкі, перадае карэспандэнт БЕЛТА.
Асобная ўвага на мерапрыемстве была ўдзелена прафілактыцы і лячэнню інфекцыйных паталогій у жывёл. "На жаль, лабараторная дыягностыка інфекцыйных захворванняў на сённяшні момант не ў поўнай меры забяспечвае ветэрынарную службу неабходнай інфармацыяй. Частка методык альбо ўстарэла, альбо мае недастатковую дакладнасць", - растлумачыў старшыня Прэзідыума Нацыянальнай акадэміі навук Уладзімір Каранік.
Напрыклад, у тым выпадку, калі проба на такое захворванне, як бруцэлёз, дае станоўчы рэзультат (а яна часта дае памылковастаноўчы рэзультат), то на ўстанаўленне дакладнага дыягназу патрэбны амаль месяц, і на працягу гэтага перыяду захоўваецца нявызначанасць наконт дзеянняў на гэтай ферме і з атрыманым малаком (яго трэба пастэрызаваць).
Уладзімір Каранік нагадаў, што ў Беларусі ў час пандэміі COVID-19 па рашэнні кіраўніка дзяржавы былі значна пашыраны магчымасці лабараторнай службы ПЛР-дыягностыкі, каб хутка выяўляць розныя антыгены. "Я лічу, што мы цяпер павінны задзейнічаць ПЛР-лабараторыі (са сферы аховы здароўя ў інтарэсах ветэрынарыі. - Заўвага БЕЛТА). Цяпер мы павінны ствараць сістэму ПЛР-дыягностыкі, якая дазваляе атрымліваць адказ не на працягу месяца, а аднаго, максімум двух дзён", - растлумачыў кіраўнік НАН. Паводле яго слоў, у бліжэйшы час спецыялісты прадставяць Прэзідэнту прапановы, якім чынам зрабіць лабараторную дыягностыку ў ветэрынарыі больш аператыўнай і сучаснай.
Па выніках праведзенай дыскусіі Аляксандр Лукашэнка даручыў падрабязна абмеркаваць гэту прапанову і пры неабходнасці аформіць у канкрэтнае рашэнне.
"Давайце дамовімся, што мы не проста будзем чарговы раз на нарадзе па прадухіленні такога падзяжу, як у нас, слухаць размовы і лекцыі нам будуць вучоныя чытаць (правільна будуць гаварыць)… Але каб мы прынялі рашэнне, - сказаў Прэзідэнт. - Калі Уладзімір Сцяпанавіч (Каранік. - Заўвага БЕЛТА) лічыць, што нам трэба падключыць сістэму аховы здароўя да дыягностыкі або яшчэ нечага, давайце будзем падключаць, уносьце прапановы. Калі ёсць разумныя, вывераныя прапановы, рашэнне прымаецца на працягу сутак".-0-
Асобная ўвага на мерапрыемстве была ўдзелена прафілактыцы і лячэнню інфекцыйных паталогій у жывёл. "На жаль, лабараторная дыягностыка інфекцыйных захворванняў на сённяшні момант не ў поўнай меры забяспечвае ветэрынарную службу неабходнай інфармацыяй. Частка методык альбо ўстарэла, альбо мае недастатковую дакладнасць", - растлумачыў старшыня Прэзідыума Нацыянальнай акадэміі навук Уладзімір Каранік.
Напрыклад, у тым выпадку, калі проба на такое захворванне, як бруцэлёз, дае станоўчы рэзультат (а яна часта дае памылковастаноўчы рэзультат), то на ўстанаўленне дакладнага дыягназу патрэбны амаль месяц, і на працягу гэтага перыяду захоўваецца нявызначанасць наконт дзеянняў на гэтай ферме і з атрыманым малаком (яго трэба пастэрызаваць).
Уладзімір Каранік нагадаў, што ў Беларусі ў час пандэміі COVID-19 па рашэнні кіраўніка дзяржавы былі значна пашыраны магчымасці лабараторнай службы ПЛР-дыягностыкі, каб хутка выяўляць розныя антыгены. "Я лічу, што мы цяпер павінны задзейнічаць ПЛР-лабараторыі (са сферы аховы здароўя ў інтарэсах ветэрынарыі. - Заўвага БЕЛТА). Цяпер мы павінны ствараць сістэму ПЛР-дыягностыкі, якая дазваляе атрымліваць адказ не на працягу месяца, а аднаго, максімум двух дзён", - растлумачыў кіраўнік НАН. Паводле яго слоў, у бліжэйшы час спецыялісты прадставяць Прэзідэнту прапановы, якім чынам зрабіць лабараторную дыягностыку ў ветэрынарыі больш аператыўнай і сучаснай.
Па выніках праведзенай дыскусіі Аляксандр Лукашэнка даручыў падрабязна абмеркаваць гэту прапанову і пры неабходнасці аформіць у канкрэтнае рашэнне.
"Давайце дамовімся, што мы не проста будзем чарговы раз на нарадзе па прадухіленні такога падзяжу, як у нас, слухаць размовы і лекцыі нам будуць вучоныя чытаць (правільна будуць гаварыць)… Але каб мы прынялі рашэнне, - сказаў Прэзідэнт. - Калі Уладзімір Сцяпанавіч (Каранік. - Заўвага БЕЛТА) лічыць, што нам трэба падключыць сістэму аховы здароўя да дыягностыкі або яшчэ нечага, давайце будзем падключаць, уносьце прапановы. Калі ёсць разумныя, вывераныя прапановы, рашэнне прымаецца на працягу сутак".-0-
Падпісвайцеся на нас у
