Фота з архіва
5 лютага, Мінск /Кар. БЕЛТА/. У Мінску прайшло пасяджэнне экспертнага савета пры Савеце Рэспублікі Нацыянальнага сходу Беларусі, перадае карэспандэнт БЕЛТА.
Удзельнікі экспертнага савета абмеркавалі праект закона "Аб змяненні Воднага кодэкса Рэспублікі Беларусь", законапраект "Аб пітным водазабеспячэнні і водаадвядзенні", а таксама праект закона "Аб змяненні законаў па пытаннях нетракарыстання" (прадугледжвае карэкціроўку Кодэкса аб нетрах, Кодэкса ўнутранага воднага транспарту, закона "Аб дзяржаўнай экалагічнай экспертызе, стратэгічнай экалагічнай ацэнцы і ацэнцы ўздзеяння на навакольнае асяроддзе").
"У пытаннях, якія датычацца водакарыстання і водаадвядзення, закон плануецца дапоўніць пэўнымі нормамі, удасканаліць прававое рэгуляванне. Так, прадугледжваецца надзяліць шырокімі паўнамоцтвамі Савет Міністраў, мясцовыя выканаўчыя і распарадчыя органы ў пытаннях водакарыстання, каб упарадкаваць гэту сістэму, забяспечыць насельніцтва якаснай пітной вадой. Неабходна стварыць адзіны пералік арганізацый, якія прадастаўляюць насельніцтву паслугі па водакарыстанні і водаадвядзенні", - сказаў старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Леанід Заяц.
Ён звярнуў увагу на тое, што ў гэтых арганізацыях павінны быць спецыялісты, якія будуць забяспечваць насельніцтва вадой, асабліва ў сельскіх населеных пунктах. Калі ж такіх спецыялістаў няма, то гэтыя пытанні будуць перадавацца ў адпаведныя структуры "Водаканала", ЖКГ. Законапраект прадугледжвае дзяржаўнае рэгуляванне вывазу каналізацыйных адходаў спецыялізаваным транспартам як дзяржаўнымі, так і прыватнымі структурамі. Савет Міністраў прапануецца надзяліць правам вызначэння тарыфаў кошту гэтых паслуг.
Таксама былі разгледжаны пытанні забеспячэння доступу грамадзян да водных крыніц, каля якіх яны пражываюць. "Людзі выраслі ў гэтых месцах, усё жыццё карысталіся гэтымі вадаёмамі. Калі мы аддаём у арэнду водныя аб'екты і забараняем іншым людзям імі карыстацца, то гэта няправільна. Прэзідэнт катэгарычна супраць таго, каб мы ўшчамлялі інтарэсы людзей. Трэба правільна распарадзіцца воднымі аб'ектамі, каб яны захаваліся ў парадку і былі даступны для насельніцтва", - рэзюмаваў Леанід Заяц.-0-
Удзельнікі экспертнага савета абмеркавалі праект закона "Аб змяненні Воднага кодэкса Рэспублікі Беларусь", законапраект "Аб пітным водазабеспячэнні і водаадвядзенні", а таксама праект закона "Аб змяненні законаў па пытаннях нетракарыстання" (прадугледжвае карэкціроўку Кодэкса аб нетрах, Кодэкса ўнутранага воднага транспарту, закона "Аб дзяржаўнай экалагічнай экспертызе, стратэгічнай экалагічнай ацэнцы і ацэнцы ўздзеяння на навакольнае асяроддзе").
"У пытаннях, якія датычацца водакарыстання і водаадвядзення, закон плануецца дапоўніць пэўнымі нормамі, удасканаліць прававое рэгуляванне. Так, прадугледжваецца надзяліць шырокімі паўнамоцтвамі Савет Міністраў, мясцовыя выканаўчыя і распарадчыя органы ў пытаннях водакарыстання, каб упарадкаваць гэту сістэму, забяспечыць насельніцтва якаснай пітной вадой. Неабходна стварыць адзіны пералік арганізацый, якія прадастаўляюць насельніцтву паслугі па водакарыстанні і водаадвядзенні", - сказаў старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Леанід Заяц.
Ён звярнуў увагу на тое, што ў гэтых арганізацыях павінны быць спецыялісты, якія будуць забяспечваць насельніцтва вадой, асабліва ў сельскіх населеных пунктах. Калі ж такіх спецыялістаў няма, то гэтыя пытанні будуць перадавацца ў адпаведныя структуры "Водаканала", ЖКГ. Законапраект прадугледжвае дзяржаўнае рэгуляванне вывазу каналізацыйных адходаў спецыялізаваным транспартам як дзяржаўнымі, так і прыватнымі структурамі. Савет Міністраў прапануецца надзяліць правам вызначэння тарыфаў кошту гэтых паслуг.
Таксама былі разгледжаны пытанні забеспячэння доступу грамадзян да водных крыніц, каля якіх яны пражываюць. "Людзі выраслі ў гэтых месцах, усё жыццё карысталіся гэтымі вадаёмамі. Калі мы аддаём у арэнду водныя аб'екты і забараняем іншым людзям імі карыстацца, то гэта няправільна. Прэзідэнт катэгарычна супраць таго, каб мы ўшчамлялі інтарэсы людзей. Трэба правільна распарадзіцца воднымі аб'ектамі, каб яны захаваліся ў парадку і былі даступны для насельніцтва", - рэзюмаваў Леанід Заяц.-0-
Падпісвайцеся на нас у
