Мабільная версія
ДЗЯРЖОРГАНЫ

Апошнія навіны
Усе навіны

Законапраект аб амністыі ў сувязі з 75-годдзем вызвалення Беларусі ўнесены ў парламент

Грамадства 24.06.2019 | 18:06
Фота з архіва
Фота з архіва

24 чэрвеня, Мінск /Кар. БЕЛТА/. Законапраект аб амністыі ў сувязі з 75-годдзем вызвалення Беларусі ад нямецка-фашысцкіх захопнікаў унесены ў парламент, паведаміла журналістам начальнік упраўлення выканання прыгавораў Дэпартамента выканання пакаранняў МУС палкоўнік унутранай службы Жанна Батурыцкая, перадае карэспандэнт БЕЛТА.

"Распрацаваны праект закона адобраны кіраўніком дзяржавы. Ён унесены на разгляд у парламент, у бліжэйшы час будзе разгледжаны дэпутатамі", - сказала Жанна Батурыцкая.

Традыцыйна прапануецца вызваліць асоб, якія адносяцца да так званай ільготнай катэгорыі асуджаных, якія ўчынілі няцяжкія злачынствы. Гэта непаўналетнія, жанчыны і мужчыны, якія маюць дзяцей ва ўзросце да 18 гадоў, цяжарныя жанчыны, пенсіянеры, інваліды I і II групы, хворыя на анкалагічныя захворванні. Асобнай катэгорыі асуджаных прадугледжана скарачэнне тэрміну на адзін год, а непаўналетнім - на два гады.

Амністыя будзе прымяняцца толькі да асоб, якія станоўча характарызуюцца і поўнасцю пакрылі ўрон, прычынены злачынствам.

Прапануецца не распаўсюджваць амністыю на тых, хто раней ёю скарыстаўся, але зноў учыніў злачынства. Гэта ж адносіцца і да тых, хто злосна парушае ўстаноўлены парадак адбывання пакарання, асабліва небяспечным рэцыдывістам. Мяркуецца таксама, што амністыя не будзе распаўсюджвацца на тых, хто ўчыніў пэўныя катэгорыі злачынстваў. Сярод іх злачынствы супраць жыцця і здароўя чалавека, супраць палавой недатыкальнасці, звязаныя з незаконным абаротам наркотыкаў, учыненыя арганізаванай групай, карупцыйныя злачынствы.

Прыняцце закона аб амністыі і яго рэалізацыя не прывядзе да пагаршэння крымінагеннай абстаноўкі. "Амністыя прымяняецца, як правіла, да асоб, якія ўпершыню асуджаны да пазбаўлення волі, - растлумачыла Жанна Батурыцкая. - Вызваляюцца тыя, хто асуджаны за злачынствы, якія не адносяцца да катэгорыі цяжкіх або не ўяўляюць вялікай грамадскай небяспекі".

Законапраект распрацоўваўся па даручэнні Прэзідэнта Міністэрствам унутраных спраў сумесна з Вярхоўным судом, Генеральнай пракуратурай і іншымі зацікаўленымі ведамствамі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзіцячае "Еўрабачанне-2019" Міжнародны дзіцячы конкурс песні "Еўрабачанне-2019" пройдзе 24 лістапада ў г. Глівіцэ (Польшча).