ДЗЯРЖОРГАНЫДЗЯРЖОРГАНЫ
Аўторак, 27 кастрычніка 2020
Мінск Суцэльная воблачнасць +10°C
Усе навіны
Усе навіны
Грамадства
24 верасня 2020, 09:25

Забароны і абмежаванні на наведванне лясоў дзейнічаюць у 21 раёне Беларусі

Фота з архіва
Фота з архіва

24 верасня, Мінск /Кар. БЕЛТА/. Забароны і абмежаванні на наведванне лясоў дзейнічаюць у 21 раёне Беларусі. Такая інфармацыя размешчана на сайце Міністэрства лясной гаспадаркі, паведамляе БЕЛТА.

Наведваць лясы забаронена ў Калінкавіцкім, Рэчыцкім, Мазырскім, Лельчыцкім, Ельскім і Нараўлянскім раёнах Гомельскай вобласці. Абмежаванні ўведзены ў Акцябрскім і Жыткавіцкім раёнах.

Што датычыцца Мінскай вобласці, наведванне лясоў абмежавана ў 13 раёнах: Вілейскім, Маладзечанскім, Валожынскім, Мінскім, Смалявіцкім, Уздзенскім, Крупскім, Бярэзінскім, Слуцкім, Старадарожскім, Любанскім, Стаўбцоўскім і Салігорскім.

Рашэнні аб увядзенні і зняцці забароны на наведванне лясоў прымаюць мясцовыя органы ўлады па хадайніцтве лесагаспадарчых устаноў або раённых аддзелаў па надзвычайных сітуацыях. Абмежаванні ўводзяцца ў выпадку высокага класа пажарнай небяспекі і здымаюцца пры стабілізацыі абстаноўкі. Галоўная мэта забарон - арганізаваць бяспеку грамадзян, захаванасць іх маёмасці, а таксама ляснога фонду.

На сайце Міністэрства лясной гаспадаркі размешчана інтэрактыўная карта, з дапамогай якой можна аператыўна прасачыць, у якіх рэгіёнах часова забаронена наведваць лясы. Парушэнне патрабаванняў пажарнай бяспекі ў лясах і на тарфяніках або забароны на іх наведванне без прычынення шкоды вядзе, згодна з арт.15.29 КоАП, да папярэджання або штрафу да 25 базавых велічынь (1 БВ - Br27).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі