12 лютага, Мінск /Кар. БЕЛТА/. За суткі ў Беларусі зарэгістраваны 1733 пацыенты з COVID-19, выпісаны 1964. Аб гэтым БЕЛТА паведамілі ў прэс-службе Міністэрства аховы здароўя.
Усяго з пачатку пандэміі ў Беларусі былі зарэгістраваны 265 284 чалавекі са станоўчым тэстам на COVID-19. Выздаравелі 254 032 пацыенты, у якіх раней быў пацверджаны дыягназ COVID-19.
За ўвесь перыяд распаўсюджвання інфекцыі на тэрыторыі краіны памерлі 1830 пацыентаў з выяўленай каранавіруснай інфекцыяй.
За мінулыя суткі выканана 18 839 тэстаў. Усяго ў краіне праведзена 4 643 526 тэстаў.-0-
