3 чэрвеня, Мінск /Кар. БЕЛТА/. З цэнтралізаванага тэсціравання па матэматыцы, біялогіі, замежнай мове, геаграфіі і сусветнай гісторыі (навейшы час) выдалены чатыры чалавекі. Аб гэтым карэспандэнту БЕЛТА паведаміў дырэктар Рэспубліканскага інстытута кантролю ведаў Юрый Міксюк.
"На іспыты не прыйшлі 5,7 працэнта зарэгістраваных, тры чалавекі не змаглі прадоўжыць тэсціраванне па медыцынскіх паказаннях. З аўдыторый было выдалена чатыры парушальнікі. Двое з іх пранеслі на матэматыку мабільныя тэлефоны, адзін - шпаргалку. На ЦТ па англійскай мове таксама адзін абітурыент аказаўся са шпаргалкай", - праінфармаваў Юрый Міксюк.
Інфармацыю аб выніках ЦТ можна будзе атрымаць на сайце Рэспубліканскага інстытута кантролю ведаў. Сертыфікат ЦТ абітурыент атрымлівае ў пункце, у якім ён праходзіў тэсціраванне, пад подпіс пры прад'яўленні дакумента, які засведчвае асобу, з якім ён праходзіў ЦТ, дакумента аб адукацыі і пропуску з адзнакай "Тэсціраванне прайшоў".
Наступныя іспыты чакаюць абітурыентаў 6 чэрвеня. Тады пройдзе ЦТ па фізіцы, хіміі, гісторыі Беларусі, грамадазнаўстве.-0-
"На іспыты не прыйшлі 5,7 працэнта зарэгістраваных, тры чалавекі не змаглі прадоўжыць тэсціраванне па медыцынскіх паказаннях. З аўдыторый было выдалена чатыры парушальнікі. Двое з іх пранеслі на матэматыку мабільныя тэлефоны, адзін - шпаргалку. На ЦТ па англійскай мове таксама адзін абітурыент аказаўся са шпаргалкай", - праінфармаваў Юрый Міксюк.
Інфармацыю аб выніках ЦТ можна будзе атрымаць на сайце Рэспубліканскага інстытута кантролю ведаў. Сертыфікат ЦТ абітурыент атрымлівае ў пункце, у якім ён праходзіў тэсціраванне, пад подпіс пры прад'яўленні дакумента, які засведчвае асобу, з якім ён праходзіў ЦТ, дакумента аб адукацыі і пропуску з адзнакай "Тэсціраванне прайшоў".
Наступныя іспыты чакаюць абітурыентаў 6 чэрвеня. Тады пройдзе ЦТ па фізіцы, хіміі, гісторыі Беларусі, грамадазнаўстве.-0-
