11 жніўня, Мінск /Кар. БЕЛТА/. З Канстытуцыі прапануецца выключыць норму аб імкненні Беларусі да нейтралітэту. Аб гэтым паведаміў сёння журналістам старшыня Канстытуцыйнай камісіі, старшыня Канстытуцыйнага суда Пётр Міклашэвіч, перадае карэспандэнт БЕЛТА.
"Гэта палажэнне ў дзеючай Канстытуцыі ёсць. Улічваючы рэчаіснасць, паколькі Рэспубліка Беларусь з'яўляецца членам АДКБ і фактычна ўваходзіць у ваенна-палітычны блок, трэба прывесці палажэнне Канстытуцыі ў адпаведнасць з аб'ектыўнай рэальнасцю", - сказаў Пётр Міклашэвіч.
Старшыня КС падкрэсліў: "Пры гэтым на канстытуцыйным узроўні прапанавана замацаваць палажэнне, што з тэрыторыі Рэспублікі Беларусь, з тэрыторыі нашай дзяржавы не будзе ніякіх пагроз іншым дзяржавам. А для абароны суверэнітэту і тэрытарыяльнай цэласнасці ў адпаведнасці з міжнароднымі дагаворамі Рэспубліка Беларусь будзе выкарыстоўваць калектыўную абарону".
Сёння праходзіць чарговае пасяджэнне Канстытуцыйнай камісіі. На ім разглядаюцца ўдакладненні рэдакцыйнага характару распрацаваных Канстытуцыйнай камісіяй змяненняў у Асноўны закон на аснове заўваг членаў камісіі.-0-
