16 студзеня, Мінск /Кар. БЕЛТА/. На пасяджэнні савета Беларускай рэспубліканскай калегіі адвакатаў (БРКА) зацверджаны даты бясплатных кансультацый маламаёмных грамадзян. Такая інфармацыя размешчана на сайце БРКА, паведамляе БЕЛТА.
У гэтым годзе адвакаты пракансультуюць 13 сакавіка - з нагоды Дня Канстытуцыі Беларусі, 8 мая - Дня Перамогі, 26 чэрвеня - Дня ўтварэння адвакатуры Беларусі, 1 кастрычніка - Дня пажылых людзей, і 4 снежня - Дня юрыста.
Як правіла, у гэтыя дні бясплатна кансультуюць ва ўсіх адвакацкіх установах краіны. Адвакаты растлумачваюць дзеючае заканадаўства ў галіне працоўнага, грамадзянскага, сямейнага і жыллёвага права.-0-