8 лютага, Гомель /Кар. БЕЛТА/. Гомель стане першым абласным цэнтрам, дзе будзе прэзентавана выстаўка "Беларусь інтэлектуальная". Інфармацыю аб гэтым размясціў старшыня Гомельскага гарвыканкама Уладзімір Прывалаў, паведамляе БЕЛТА.
"Беларусь інтэлектуальная" - маштабная экспазіцыя дасягненняў беларускай навукі па даручэнні кіраўніка дзяржавы была прэзентавана ў Мінску напярэдадні Дня беларускай навукі. Цяпер і гамяльчане змогуць азнаёміцца з найноўшымі распрацоўкамі і дасягненнямі ў сферы IT-тэхналогій, робататэхніцы, інавацыйным прыборабудаванні, электратранспарце, абараназдольнасці і ваеннай навуцы, экалогіі, прыродакарыстанні, біятэхналогіях, фармацыі, ахове здароўя, АПК", - паведаміў мэр Гомеля.
Дасягненням і распрацоўкам прадстаўнікоў паўднёва-ўсходняга рэгіёна адвядуць асобны сектар.
Экспазіцыя з прэзентацыяй навукова-тэхнічных дасягненняў разгорнецца ў абласным цэнтры алімпійскага рэзерву па лёгкай атлетыцы з 16 па 19 лютага. Выстаўка будзе працаваць кожны дзень з 10.00 да 17.00.
Плануецца, што на працягу двух месяцаў экспазіцыю ўбачаць ва ўсіх абласных цэнтрах.-0-
