Фота з архіва
31 ліпеня, Мінск /Кар. БЕЛТА/. Аб новых сартах бульбы, якія вырошчваюцца
ў Беларусі, расказаў на прэс-канферэнцыі намеснік генеральнага
дырэктара РУП "Навукова-практычны цэнтр Нацыянальнай акадэміі навук
Беларусі па бульбаводстве і плодаагародніцтве" Андрэй Чайкоўскі, перадае
карэспандэнт БЕЛТА.
Паводле яго слоў, сярод навінак -
раннія сарты "Першацвет" і "Юлія", якія вызначаюцца фарміраваннем
таварнага ўраджаю ў раннія тэрміны ўборкі. Клубні сорту "Першацвет"
добра захоўваюцца ў зімовы перыяд. Сорт "Юлія" прыдатны для прамысловай
перапрацоўкі на чыпсы і да вакуумавання.
"Сярэдняраннія сарты бульбы "Карсан" і "Мастак" валодаюць комплекснай устойлівасцю да хвароб. Сорт "Мастак" у спрыяльных умовах фарміруе ўраджайнасць да 70,5 т/га. У той жа час клубні сорту "Карсан" маюць выдатную лёжказдольнасць. Новыя сярэдняспелыя сарты "Гарантыя" і "Водар" пераўзыходзяць вядомы сорт "Скарб" па ўраджайнасці - да 65-70 т/га. Клубні гэтых сартоў прыдатныя для вытворчасці бульбапрадуктаў з улікам агракліматычнай зоны вырошчвання і часу перапрацоўкі", - заявіў намеснік генеральнага дырэктара РУП "Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве".
Ён падкрэсліў, што беларускія селекцыянеры-бульбаводы традыцыйна працуюць над стварэннем крухмалістых сартоў сярэдняпозняга тэрміну паспявання. Сярод навінак - два сталовыя сарты "Нара" і "Рубін", а таксама сарты "Крок" і "Баярскі" сталовага і тэхнічнага прызначэння. Патэнцыяльная ўраджайнасць гэтых сартоў - 60-65 т/га. Яны валодаюць комплекснай устойлівасцю да хвароб, прыдатнасцю для прамысловай перапрацоўкі на розныя віды бульбапрадуктаў.
"У нашым цэнтры вядзецца селекцыя па 76
культурах, сярод якіх бульба, пладовыя, ягадныя, арэхаплодныя і
агароднінныя культуры. Штогод у сельскагаспадарчых арганізацыях
рэспублікі пасадка бульбы сартоў айчыннай селекцыі займае 50-55
працэнтаў, яблыні і грушы - каля 80 працэнтаў, а па агароднінных
культурах - прыблізна 20 працэнтаў. За апошнія 4 гады па выніках
дзяржаўнага выпрабавання ў сельскагаспадарчую вытворчасць рэспублікі
дапушчаны 11 новых сартоў бульбы. Сучасныя беларускія сарты бульбы, як
правіла, нематодаўстойлівыя і маюць высокую патэнцыяльную ўраджайнасць",
- расказаў Андрэй Чайкоўскі.
"Сярэдняраннія сарты бульбы "Карсан" і "Мастак" валодаюць комплекснай устойлівасцю да хвароб. Сорт "Мастак" у спрыяльных умовах фарміруе ўраджайнасць да 70,5 т/га. У той жа час клубні сорту "Карсан" маюць выдатную лёжказдольнасць. Новыя сярэдняспелыя сарты "Гарантыя" і "Водар" пераўзыходзяць вядомы сорт "Скарб" па ўраджайнасці - да 65-70 т/га. Клубні гэтых сартоў прыдатныя для вытворчасці бульбапрадуктаў з улікам агракліматычнай зоны вырошчвання і часу перапрацоўкі", - заявіў намеснік генеральнага дырэктара РУП "Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве".
Ён падкрэсліў, што беларускія селекцыянеры-бульбаводы традыцыйна працуюць над стварэннем крухмалістых сартоў сярэдняпозняга тэрміну паспявання. Сярод навінак - два сталовыя сарты "Нара" і "Рубін", а таксама сарты "Крок" і "Баярскі" сталовага і тэхнічнага прызначэння. Патэнцыяльная ўраджайнасць гэтых сартоў - 60-65 т/га. Яны валодаюць комплекснай устойлівасцю да хвароб, прыдатнасцю для прамысловай перапрацоўкі на розныя віды бульбапрадуктаў.
"Сарты "Крок" і "Баярскі" вызначаюцца высокай
колькасцю крухмалу - да 22 працэнтаў. Сорт "Баярскі" мае высокую
патэнцыяльную ўраджайнасць - да 71,5 т/га. Таксама дапушчаны ў
сельскагаспадарчую вытворчасць першы беларускі сорт з пігментаванай
мякаццю клубняў "Сапфір", - канстатаваў Андрэй Чайкоўскі.-0-
Скрыншот відэа BPC.BY
Падпісвайцеся на нас у
