22 сакавіка, Лагойскі раён /Кар. БЕЛТА/. Вышэйшыя службовыя асобы ўсклалі кветкі ў мемарыяльным комплексе "Хатынь" у сувязі з 80-годдзем трагедыі, перадае карэспандэнт БЕЛТА.
Кветкі да Вечнага агню ўсклалі кіраўнікі Савета міністраў, Савета Рэспублікі, Палаты прадстаўнікоў, Адміністрацыі Прэзідэнта, Дзяржаўнага сакратарыята Савета бяспекі, Кіраўніцтва справамі Прэзідэнта.
Акрамя таго, ва ўскладанні прынялі ўдзел кіраўнікі Вярхоўнага і Канстытуцыйнага судоў Беларусі, Камітэта дзяржкантролю і Пастаяннага камітэта Саюзнай дзяржавы.-0-
