17 красавіка, Мінск /Кар. БЕЛТА/. Назар Мельнікаў прызнаецца: да таго, як стаць фермерам, ён ніколі не працаваў на зямлі. Усё сваё жыццё пражыў у сталіцы. Спрабаваў сябе ў самых розных сферах: прафесійна займаўся спортам, пакуль не атрымаў траўму, дрэваапрацоўкай і будаўніцтвам дамоў. Прыдумаў нават уласны праект па медыцыне. Але толькі калі выпадкова трапіў у сельскую гаспадарку, зразумеў: гэта менавіта тое, чым хочацца займацца.
Цяпер 27-гадовы Назар - адзін з самых маладых фермераў у краіне. "Пачалося ўсё з таго, што паступіў запыт на пастаўку ў Расію беларускіх ягад. Сталі разбірацца і зразумелі, што ягадная ніша на нашым рынку практычна свабодная. Попыт ёсць, а прапанаваць няма чаго. Вырашылі з братам Арцеміем самі заняцца ягадным бізнесам. На той момант вопыту работ на зямлі, як і профільнай адукацыі, не было. Больш таго, у нашай сям'і ніколі не было дачы, а ў дзядуляў і бабуль - доміка ў вёсцы. Усяму вучыліся з братам у працэсе, наведвалі канферэнцыі, у тым ліку міжнародныя, кансультаваліся ў лепшых спецыялістаў у Беларусі і за яе межамі", - расказвае Назар.
Тым не менш чатыры гады таму браты стварылі сельгаспрадпрыемства ў Чэрвеньскім раёне - ТАА "Агра-Лукомль". Цяпер вырошчваюць буякі, чорныя парэчкі, клубніцы і робяць стаўку на рэдкую ў нашых краях ягаду - японскі бружмель. "У краіне сур'ёзна ім пакуль ніхто не займаецца. Хоць ягада перспектыўная, а яшчэ вельмі карысная. Знешне нагадвае вінаград, а па смаку - буякі. Праўда, у бружмелі куды больш антыаксідантаў. Дарэчы, буякі мы таксама вырошчваем, але не традыцыйным спосабам - саджаем не ў торф, а ў пілавінне. І збіраем ураджай камбайнам, што ў навінку для Беларусі", - адзначае фермер.
Дарэчы, восенню мінулага года Мельнікавы трапілі ў Кнігу рэкордаў Беларусі ў намінацыі "Самая хуткая пасадка чорных парэчак за 10 гадзін". За гэты час у каманды з васьмі чалавек з дапамогай камбайнаў атрымалася высадзіць адразу 8 га ягадных кустоў - каля 40 тыс. саджанцаў. Калі б рабілі гэта ўручную, то справіліся б не раней чым за тыдзень.
Праблем з работнікамі ў фермераў няма. Штат аграпрадпрыемства цалкам укамплектаваны, прычым па вялікім рахунку мясцовымі жыхарамі.
На будучыню ў Назара і Арцемія планы грандыёзныя: не толькі вырошчваць ягады, але і рабіць з іх натуральныя морсы, сокі. А яшчэ - прадукты дзіцячага харчавання і біялагічна актыўныя дабаўкі на ягаднай аснове.
Цяпер браты працуюць над яшчэ адным праектам. Хочуць адкрыць кантактны заапарк, дзе жывёл можна будзе карміць, гладзіць, фатаграфавацца з імі. Сёння пад апекай Мельнікавых - трусы і в'етнамскія парасяты, козы, у тым ліку рэдкай пакістанскай пароды каморы, а таксама шатландскія каровы і быкі пароды абердзін-ангус. "Плануем у тым ліку арганізаваць верхавую язду на быках. Такога "атракцыёна" ў краіне пакуль няма", - лічыць Назар.
Ён стварыў блог у Instagram, дзе расказвае пра сельскую рамантыку і вядзенне аграбізнесу. У суткі там з'яўляецца не менш за тры відэа з сюжэтам з рэальнага жыцця, кожнае набірае тысячы лайкаў і сотні каментарыяў. Колькасць падпісчыкаў блога ўжо даўно перасягнула за 38 тыс. "Хочацца дзяліцца з людзьмі незвычайнымі працоўнымі буднямі. Напэўна, такія насычаныя падзеямі дні ёсць не ў кожнага, - усміхаецца Назар. - Я на ўласным прыкладзе паказваю, што развіваць бізнес у вёсцы - гэта модна".
Назар Мельнікаў - герой нашага праекта "Беларусы ў кадры". Дзякуючы яго гісторыі мы пераканаліся: няма нічога немагчымага для таго, хто верыць у сябе і сваю мару.
*Праект створаны за кошт сродкаў мэтавага збору на вытворчасць нацыянальнага кантэнту.-0-
Цяпер 27-гадовы Назар - адзін з самых маладых фермераў у краіне. "Пачалося ўсё з таго, што паступіў запыт на пастаўку ў Расію беларускіх ягад. Сталі разбірацца і зразумелі, што ягадная ніша на нашым рынку практычна свабодная. Попыт ёсць, а прапанаваць няма чаго. Вырашылі з братам Арцеміем самі заняцца ягадным бізнесам. На той момант вопыту работ на зямлі, як і профільнай адукацыі, не было. Больш таго, у нашай сям'і ніколі не было дачы, а ў дзядуляў і бабуль - доміка ў вёсцы. Усяму вучыліся з братам у працэсе, наведвалі канферэнцыі, у тым ліку міжнародныя, кансультаваліся ў лепшых спецыялістаў у Беларусі і за яе межамі", - расказвае Назар.
Тым не менш чатыры гады таму браты стварылі сельгаспрадпрыемства ў Чэрвеньскім раёне - ТАА "Агра-Лукомль". Цяпер вырошчваюць буякі, чорныя парэчкі, клубніцы і робяць стаўку на рэдкую ў нашых краях ягаду - японскі бружмель. "У краіне сур'ёзна ім пакуль ніхто не займаецца. Хоць ягада перспектыўная, а яшчэ вельмі карысная. Знешне нагадвае вінаград, а па смаку - буякі. Праўда, у бружмелі куды больш антыаксідантаў. Дарэчы, буякі мы таксама вырошчваем, але не традыцыйным спосабам - саджаем не ў торф, а ў пілавінне. І збіраем ураджай камбайнам, што ў навінку для Беларусі", - адзначае фермер.
Дарэчы, восенню мінулага года Мельнікавы трапілі ў Кнігу рэкордаў Беларусі ў намінацыі "Самая хуткая пасадка чорных парэчак за 10 гадзін". За гэты час у каманды з васьмі чалавек з дапамогай камбайнаў атрымалася высадзіць адразу 8 га ягадных кустоў - каля 40 тыс. саджанцаў. Калі б рабілі гэта ўручную, то справіліся б не раней чым за тыдзень.
Праблем з работнікамі ў фермераў няма. Штат аграпрадпрыемства цалкам укамплектаваны, прычым па вялікім рахунку мясцовымі жыхарамі.
На будучыню ў Назара і Арцемія планы грандыёзныя: не толькі вырошчваць ягады, але і рабіць з іх натуральныя морсы, сокі. А яшчэ - прадукты дзіцячага харчавання і біялагічна актыўныя дабаўкі на ягаднай аснове.
Цяпер браты працуюць над яшчэ адным праектам. Хочуць адкрыць кантактны заапарк, дзе жывёл можна будзе карміць, гладзіць, фатаграфавацца з імі. Сёння пад апекай Мельнікавых - трусы і в'етнамскія парасяты, козы, у тым ліку рэдкай пакістанскай пароды каморы, а таксама шатландскія каровы і быкі пароды абердзін-ангус. "Плануем у тым ліку арганізаваць верхавую язду на быках. Такога "атракцыёна" ў краіне пакуль няма", - лічыць Назар.
Ён стварыў блог у Instagram, дзе расказвае пра сельскую рамантыку і вядзенне аграбізнесу. У суткі там з'яўляецца не менш за тры відэа з сюжэтам з рэальнага жыцця, кожнае набірае тысячы лайкаў і сотні каментарыяў. Колькасць падпісчыкаў блога ўжо даўно перасягнула за 38 тыс. "Хочацца дзяліцца з людзьмі незвычайнымі працоўнымі буднямі. Напэўна, такія насычаныя падзеямі дні ёсць не ў кожнага, - усміхаецца Назар. - Я на ўласным прыкладзе паказваю, што развіваць бізнес у вёсцы - гэта модна".
Назар Мельнікаў - герой нашага праекта "Беларусы ў кадры". Дзякуючы яго гісторыі мы пераканаліся: няма нічога немагчымага для таго, хто верыць у сябе і сваю мару.
*Праект створаны за кошт сродкаў мэтавага збору на вытворчасць нацыянальнага кантэнту.-0-
Падпісвайцеся на нас у
