12 жніўня, Мінск /Кар. БЕЛТА/. Выказаць сваё меркаванне і пазіцыю можна міралюбным шляхам, заявіла ў эфіры "Беларусь 1" старшыня Пастаяннай камісіі па працы і сацыяльных пытаннях Палаты прадстаўнікоў Людміла Канановіч, паведамляе карэспандэнт БЕЛТА.
"Я ў першую чаргу як жанчына, маці, бабуля вельмі перажываю за тое, каб мае дзеці і ўнукі, мае сваякі сапраўды адчувалі сябе ў бяспецы. Мы жывём у прававой дзяржаве, і выкананне закону - гэта абавязак. Выказаць сваё меркаванне і пазіцыю можна міралюбным шляхам", - сказала Людміла Канановіч.
Дэпутат агучыла трывогу сваіх выбаршчыкаў. "Яны гавораць, што хочуць раніцай ісці на работу, карыстацца грамадскім транспартам, ну а вечарам, як гэта было прынята, - наведваць культурна-забаўляльныя мерапрыемствы, спартыўныя аб'екты. І яны апасаюцца за сваё жыццё і за жыццё сваіх дзяцей", - дадала яна.-0-
