21 кастрычніка, Мінск /Кар. БЕЛТА/. На граніцы Беларусі з Еўрасаюзам, паводле даных на 8.00, выезду чакаюць больш за 1,1 тыс. фур. Гэта вынікае з інфармацыі, размешчанай на сайце Дзяржпагранкамітэта, паведамляе БЕЛТА.
На беларуска-латвійскай граніцы перад пунктам пропуску "Грыгароўшчына" сабралася больш за 180 грузавікоў, "Урбаны" - звыш 210.
Уезду ў Літву перад пунктам пропуску "Відзы" чакаюць больш за 120 велікагрузаў, "Катлоўка" - 80, "Камены Лог" - больш за 210, "Беняконі" - звыш 160, "Прывалка" - больш за 170 фур.
На польскім напрамку перад пунктам пропуску "Брузгі" сабралася больш за 60 фур.-0-
