24 чэрвеня, Полацк /Кар. БЕЛТА/. "Поезд Памяці" сустрэлі ў Полацку, перадае карэспандэнт БЕЛТА.
У добрым настроі прыбылі пасажыры "Поезда Памяці" ў Полацк. Самы старажытны горад Беларусі стаў трэцім пунктам маршруту маштабнага праекта, які аб'яднаў 200 школьнікаў з васьмі краін СНД. Сёння яны наведаюць мемарыяльны комплекс памяці ахвяр фашызму "Урочышча Пяскі" і ўбачаць тэатралізаваную пастаноўку "Адна вайна - адзін боль". Акрамя таго, іх чакае аглядная экскурсія па Спаса-Ефрасіннеўскім манастыры, экскурсіі па Полацкім дзяржаўным універсітэце імя Ефрасінні Полацкай і Полацкім кадэцкім вучылішчы, а ў Музеі гісторыі архітэктуры Сафійскага сабора - канцэрт арганнай музыкі.
Старшыня Віцебскага аблвыканкама Вячаслаў Дурноў звярнуўся да моладзі з прывітальным словам. "Я думаю, што дзень на Полацкай зямлі запомніцца вам надоўга. Тут сапраўды зараджалася беларуская дзяржаўнасць і праходзіла шмат падзей у Вялікую Айчынную вайну. Шостага ліпеня Полацк будзе святкаваць свой дзень нараджэння, і якраз у гэты ж час у 1944 годзе тут праходзілі жорсткія баі. Але 80 гадоў мы жывём пад мірным небам, і гэта цудоўна. Вельмі добра, што тут прысутнічае моладзь з васьмі краін. Упэўнены, ваша сяброўства, якое, напэўна, сёння стане яшчэ мацнейшым, пройдзе з вамі ўсё жыццё, а гэта залог будучага сяброўства нашых краін. Таму што вы моладзь - будучыня нашых краін", - адзначыў Вячаслаў Дурноў.
Першы сакратар ЦК БРСМ, каардынатар культурна-адукацыйнага патрыятычнага праекта "Поезд Памяці" ад Беларусі Аляксандр Лук'янаў дадаў, што гэты дзень сапраўды на доўгія гады застанецца ў сэрцах удзельнікаў.
"Менавіта Полацкая зямля з'яўляецца крыніцай глыбокіх гістарычных каранёў. Вы ўбачыце сёння вельмі шмат незвычайных аб'ектаў. Шмат мерапрыемстваў будуць накіраваны на тое, каб вы пранікліся духам Полаччыны", - падкрэсліў Аляксандр Лук'янаў.
Удзельніцу праекта Камілу Сямёнаву асабліва ўразіла Брэсцкая крэпасць-герой і Новы замак у Гродне, асабліва экспазіцыя, звязаная з жывёламі.
"У праекце мне прапанавала прыняць удзел настаўніца па літаратуры, і я згадзілася. Хоць і збіралася, не думала, што змагу выйграць. Я пасябравала ўжо з удзельнікамі з Беларусі, Арменіі і Кыргызстана і спадзяюся, што знайду сяброў і сярод удзельнікаў з іншых краін", - дадала Каміла Сямёнава.
Ліля Макінян адзначыла, што ў Арменіі трапіць на "Поезд Памяці" хацелі амаль 80 чалавек, але выбралі ўсяго 15.
"Мне спадабаліся замкі і іншыя будынкі Гродна, таму што я люблю старажытную архітэктуру. Асабліва мне падабаецца стыль барока", - дадала Ліля Макінян.
Яна ўжо вельмі добра пасябравала з удзельнікамі з розных краін і навучыла іх гаварыць "Добрай раніцы" на армянскай мове. Ліля баялася, што маладыя людзі не змогуць запомніць складаныя або незнаёмыя для іх імёны, але яе апасенні былі дарэмнымі.-0-
У добрым настроі прыбылі пасажыры "Поезда Памяці" ў Полацк. Самы старажытны горад Беларусі стаў трэцім пунктам маршруту маштабнага праекта, які аб'яднаў 200 школьнікаў з васьмі краін СНД. Сёння яны наведаюць мемарыяльны комплекс памяці ахвяр фашызму "Урочышча Пяскі" і ўбачаць тэатралізаваную пастаноўку "Адна вайна - адзін боль". Акрамя таго, іх чакае аглядная экскурсія па Спаса-Ефрасіннеўскім манастыры, экскурсіі па Полацкім дзяржаўным універсітэце імя Ефрасінні Полацкай і Полацкім кадэцкім вучылішчы, а ў Музеі гісторыі архітэктуры Сафійскага сабора - канцэрт арганнай музыкі.
Старшыня Віцебскага аблвыканкама Вячаслаў Дурноў звярнуўся да моладзі з прывітальным словам. "Я думаю, што дзень на Полацкай зямлі запомніцца вам надоўга. Тут сапраўды зараджалася беларуская дзяржаўнасць і праходзіла шмат падзей у Вялікую Айчынную вайну. Шостага ліпеня Полацк будзе святкаваць свой дзень нараджэння, і якраз у гэты ж час у 1944 годзе тут праходзілі жорсткія баі. Але 80 гадоў мы жывём пад мірным небам, і гэта цудоўна. Вельмі добра, што тут прысутнічае моладзь з васьмі краін. Упэўнены, ваша сяброўства, якое, напэўна, сёння стане яшчэ мацнейшым, пройдзе з вамі ўсё жыццё, а гэта залог будучага сяброўства нашых краін. Таму што вы моладзь - будучыня нашых краін", - адзначыў Вячаслаў Дурноў.
Першы сакратар ЦК БРСМ, каардынатар культурна-адукацыйнага патрыятычнага праекта "Поезд Памяці" ад Беларусі Аляксандр Лук'янаў дадаў, што гэты дзень сапраўды на доўгія гады застанецца ў сэрцах удзельнікаў.
"Менавіта Полацкая зямля з'яўляецца крыніцай глыбокіх гістарычных каранёў. Вы ўбачыце сёння вельмі шмат незвычайных аб'ектаў. Шмат мерапрыемстваў будуць накіраваны на тое, каб вы пранікліся духам Полаччыны", - падкрэсліў Аляксандр Лук'янаў.
Удзельніцу праекта Камілу Сямёнаву асабліва ўразіла Брэсцкая крэпасць-герой і Новы замак у Гродне, асабліва экспазіцыя, звязаная з жывёламі.
"У праекце мне прапанавала прыняць удзел настаўніца па літаратуры, і я згадзілася. Хоць і збіралася, не думала, што змагу выйграць. Я пасябравала ўжо з удзельнікамі з Беларусі, Арменіі і Кыргызстана і спадзяюся, што знайду сяброў і сярод удзельнікаў з іншых краін", - дадала Каміла Сямёнава.
Ліля Макінян адзначыла, што ў Арменіі трапіць на "Поезд Памяці" хацелі амаль 80 чалавек, але выбралі ўсяго 15.
"Мне спадабаліся замкі і іншыя будынкі Гродна, таму што я люблю старажытную архітэктуру. Асабліва мне падабаецца стыль барока", - дадала Ліля Макінян.
Яна ўжо вельмі добра пасябравала з удзельнікамі з розных краін і навучыла іх гаварыць "Добрай раніцы" на армянскай мове. Ліля баялася, што маладыя людзі не змогуць запомніць складаныя або незнаёмыя для іх імёны, але яе апасенні былі дарэмнымі.-0-
