14 жніўня, Масква /Эдуард Півавар - БЕЛТА/. Спецыяльнае вучэнне з сіламі і сродкамі матэрыяльна-тэхнічнага забеспячэння Калектыўных сіл аператыўнага рэагавання АДКБ "Эшалон-2020" пройдзе з 17 па 20 жніўня на тэрыторыі Астраханскай вобласці (Расія) на палігоне Капусцін Яр, паведамілі БЕЛТА ў аб'яднаным прэс-цэнтры вучэння.
"Будуць адпрацоўвацца пытанні арганізацыі матэрыяльна-тэхнічнага забеспячэння ў інтарэсах Калектыўных сіл аператыўнага рэагавання АДКБ у час сумеснай аперацыі па лакалізацыі прыгранічнага ўзброенага канфлікту ў Каўказскім рэгіёне калектыўнай бяспекі", - адзначылі ў прэс-цэнтры.
Вучэнне пройдзе пад кіраўніцтвам намесніка камандуючага войскамі Паўднёвай ваеннай акругі па матэрыяльна-тэхнічным забеспячэнні генерал-лейтэнанта Віктара Воранава. У ім плануецца ўдзел воінскіх кантынгентаў дзяржаў - членаў арганізацыі і аператыўнай групы Аб'яднанага штаба АДКБ.-0-