Сцяг Нядзеля, 21 ліпеня 2024
Усе навіны
Усе навіны
Грамадства
19 чэрвеня 2024, 12:56

Вярхоўны Суд РФ: адносіны Расіі і Беларусі з'яўляюцца ўзорнымі

Фота з архіва
Фота з архіва
19 чэрвеня, Мінск /Кар. БЕЛТА/. Двухбаковыя адносіны Расіі і Беларусі з'яўляюцца ўзорнымі, краіны шмат у чым пераймаюць вопыт адна адной. Такім меркаваннем абмяняліся кіраўнікі вярхоўных судоў Беларусі і Расіі Валянцін Сукала і Ірына Падносава на сустрэчы, якая прайшла на палях Форуму старшынь вярхоўных судоў краін БРІКС, паведамляе БЕЛТА са спасылкай на сайт Вярхоўнага суда РФ.

Бакі абмеркавалі ўступленне Беларусі ў БРІКС, якое можа адбыцца восенню, узаемасувязь судовых спрэчак і эканамічнага развіцця, а таксама беларускі закон пра банкруцтва. "На думку бакоў, двухбаковыя адносіны Расіі і Беларусі з'яўляюцца ўзорнымі і шмат у чым пераймаюць вопыт адна адной", - гаворыцца ў паведамленні.

На форуме плануецца абмеркаваць пытанні, звязаныя з забеспячэннем аднастайнасці судовай практыкі, судовай абаронай сацыяльных правоў грамадзян, укараненнем тэхналогій у судовыя працэсы, гарманізацыяй заканадаўства дзяржаў - удзельніц БРІКС, абаронай правоў інвестараў, а таксама абаронай правоў чалавека і асноўных свабод у крымінальным судаводстве.

У мерапрыемствах прымуць удзел старшыні вышэйшых судовых інстанцый Кітая, Ірана, Егіпта, Эфіопіі, ААЭ і Індыі.

Праграмай прадугледжана інфармаванне ўдзельнікаў форуму аб вопыце Беларусі па забеспячэнні аднастайнасці судовай практыкі.

Як раней адзначылі ў прэс-службе Вярхоўнага Суда Беларусі, удзел кіраўніка ВС рэспублікі ў форуме будзе садзейнічаць распаўсюджванню аб'ектыўнай інфармацыі аб рэспубліцы і яе судовай сістэме, умацаванню прафесійных сувязей і пашырэнню супрацоўніцтва з прадстаўнікамі судовых органаў дзяржаў - удзельніц форуму, а таксама абмену вопытам у вырашэнні актуальных прававых пытанняў.-0-
Падпісвайцеся на нас у
Twitter
Топ-навіны
Свежыя навіны Беларусі