Сцяг Пятніца, 29 сакавіка 2024
Усе навіны
Усе навіны
Грамадства
10 жніўня 2021, 13:18

"Вялікая размова з Прэзідэнтам" заўсёды атрымліваецца адкрытай і эмацыянальнай - дэпутат

10 жніўня, Магілёў /Кар. БЕЛТА/. "Вялікая размова з Прэзідэнтам" заўсёды атрымліваецца адкрытай і эмацыянальнай. Такім меркаваннем з карэспандэнтам БЕЛТА падзялілася ўдзельніца сустрэчы дэпутат Палаты прадстаўнікоў Святлана Шутава.

"Я не першы раз станаўлюся ўдзельніцай такой сустрэчы. Яна заўсёды атрымліваецца адкрытай і эмацыянальнай. Гэта адкрытая размова аб самых набалелых пытаннях, аб тым, што хвалюе жыхароў у кожным кутку нашай краіны", - адзначыла дэпутат.

Паводле яе слоў, такі дыялог заўсёды падкупляе сваёй сумленнасцю. "Аляксандр Лукашэнка проста і зразумела расказваў аб складаных палітычных працэсах, якія адбываюцца ўнутры краіны, аб тым, пад якім моцным націскам апынулася Беларусь звонку. Мы змаглі на свае вочы пераканацца, што ўсе прадстаўнікі замежных СМІ, па сутнасці, задавалі адны і тыя ж пытанні. А гэта сведчыць аб тым, што яны зусім не маюць паняцця, што адбываецца ў нашай краіне на самай справе, - падкрэсліла яна. - Важна, што сустрэча трансліравалася ў прамым эфіры, без нарэзак. Так удзельнікамі змаглі стаць усе людзі нашай краіны, а таксама за мяжой. Гэта дае магчымасць абвергнуць фэйкі, пачуць інфармацыю з першых вуснаў".

Не менш яркімі былі выступленні экспертаў і блогераў у час "Вялікай размовы". "З новымі ідэямі і прапановамі выступіла і моладзь - блогеры. Мы яшчэ раз пераканаліся ў тым, што ў нас адно жаданне - прадаўжаць жыць і развівацца ў мірнай і спакойнай краіне. І гэта права мы не аддадзім", - сказала Святлана Шутава.

У час сустрэчы прагучалі не толькі адказы на хвалюючыя пытанні, але і пэўныя пасылы нашым партнёрам. "Прэзідэнт яшчэ раз нагадаў, што Беларусь - мірная і суверэнная краіна. Мы не хочам ні з кім ваяваць. Але калі на нашу краіну будзе аказвацца сур'ёзны націск і правакацыі з боку іншых - адказ будзе жорсткім і адназначным", - падкрэсліла дэпутат.-0-

Падпісвайцеся на нас у
Twitter
Топ-навіны
Свежыя навіны Беларусі