15 жніўня, Мінск /Кар. БЕЛТА/. Вельмі важна не страціць атмасферу, калі людзі, якія выйшлі выказаць сваё меркаванне, і праваахоўнікі знаходзяць агульную мову. Такое меркаванне выказаў дырэктар - галоўны рэдактар выдавецкага дома "Беларусь сегодня" Дзмітрый Жук у праграме "Клуб рэдактараў" на тэлеканале "Беларусь 1", паведамляе БЕЛТА.
"Я лічу, што насілле непрымальна. Аб гэтым учора гаварылі многія. Трэба падтрымаць усталяваную апошнія два дні атмасферу, дзе няма месца жорсткаму насіллю, дзе ёсць людзі, якія выказваюць сваё меркаванне, і людзі, што ахоўваюць правапарадак, і яны знаходзяць агульную мову. Гэта вельмі важна не страціць у бліжэйшыя дні", - падкрэсліў Дзмітрый Жук.
Ён перакананы, што для вырашэння гэтай палітычнай сітуацыі трэба прыходзіць да ўрэгулявання сітуацыі на бесканфліктнай аснове. Паводле яго слоў, ад сілавых сутыкненняў пратэстуючых і праваахоўнікаў усё грамадства было ў шоку, бо пацярпелыя былі з абодвух бакоў, і ва ўсіх ёсць свае сем'і.
"Па сваёй натуры беларусы не схільныя да насілля, а нас, атрымліваецца, уцягваюць, перш за ўсё маладых і эмацыянальных хлопцаў і дзяўчат. Сёння нам трэба выходзіць з гэтага эмацыянальнага крызісу", - заявіў галоўны рэдактар.-0-
