ДЗЯРЖОРГАНЫДЗЯРЖОРГАНЫ
Флаг Аўторак, 15 чэрвеня 2021
Мінск Ясна +22°C
Усе навіны
Усе навіны
Грамадства
13 мая 2021, 11:30

Вальфовіч: важна ўкараняць у вучэбны працэс Акадэміі МУС прафесійна арыентаваныя тэхналогіі

Фота ГІГС Акадэміі МУС
Фота ГІГС Акадэміі МУС

13 мая, Мінск /Кар. БЕЛТА/. У вучэбны працэс Акадэміі МУС важна ўкараняць прафесійна арыентаваныя тэхналогіі навучання. Аб гэтым заявіў падчас наведвання акадэміі дзяржаўны сакратар Савета бяспекі Аляксандр Вальфовіч, паведамілі БЕЛТА ў ВНУ.

Дзяржсакратар наведаў Міжнародны вучэбны цэнтр падрыхтоўкі, павышэння кваліфікацыі, перападрыхтоўкі кадраў у сферы міграцыі і процідзеяння гандлю людзьмі, шэраг кафедраў, спецыялізаваных кабінетаў, аператыўна-сітуацыйны штаб, вучэбныя аўдыторыі і жылыя памяшканні курсантаў. Азнаёміўся з умовамі абучэння і побыту курсантаў, штатнай колькасцю прафесарска-выкладчыцкага складу, парадкам паступлення ў ад'юнктуру, пасля чаго сустрэўся з прафесарска-выкладчыцкім складам акадэміі.

"Акадэмія МУС - унікальная навучальная ўстанова, што рыхтуе спецыялістаў розных напрамкаў, якія забяспечваюць парадак у краіне. У прафесарска-выкладчыцкага складу акадэміі ёсць патэнцыял. Аб гэтым сведчыць той факт, што многія кіраўнікі міліцэйскага ведамства з'яўляюцца выпускнікамі гэтай ВНУ. Тым не менш неабходна ажыццяўляць маніторынг службовай дзейнасці і карэкціроўку адукацыйных праграм, - адзначыў Аляксандр Вальфовіч. - Важна ўкараняць у вучэбны працэс прафесійна арыентаваныя тэхналогіі навучання. Дарэчы, кіберзлачыннасць у краіне павялічваецца і набірае абароты. Важна павышаць раскрывальнасць такіх злачынстваў. Шмат у чым якасная падрыхтоўка праваахоўніка залежыць ад людзей, прысутных у зале. Менавіта вы закладваеце фундамент у будучага афіцэра, ад якога залежыць бяспека ў нашай краіне".

Паводле яго слоў, разам з вучэбным і навуковым працэсам немалое значэнне мае прафарыентацыйная работа з моладдзю, патэнцыяльнымі абітурыентамі. З гэтага і пачынаецца падрыхтоўка патрыятычных, адданых краіне маладых афіцэраў. "Што датычыцца навуковага патэнцыялу, то важна, каб тэматыка дысертацый знаходзілася ў практычнай плоскасці. Навуковыя даследаванні павінны мець прымяняльны характар і рэалізоўвацца", - падкрэсліў дзяржсакратар.

Сталічная міліцэйская ВНУ рыхтуе кадры для Міністэрства ўнутраных спраў, Дзяржаўнага камітэта судовых экспертыз, Следчага камітэта, Дзяржаўнага пагранічнага камітэта, Дэпартамента фінансавых расследаванняў Камітэта дзяржаўнага кантролю, Міністэрства абароны. З 2019 года ў Акадэміі МУС на базе кафедраў прававой інфарматыкі і аператыўна-вышуковай дзейнасці вядзецца навучанне па напрамку "Процідзеянне кіберзлачынствам і камп'ютарная разведка".-0-

Фота ГІГС Акадэміі МУС

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі