ДЗЯРЖОРГАНЫДЗЯРЖОРГАНЫ
Субота, 17 красавіка 2021
Мінск Воблачна з праясненнямі +8°C
Усе навіны
Усе навіны
Грамадства
25 лютага 2021, 15:48

Вальфовіч: сілавы блок Беларусі гатовы да любых змяненняў як знешняй, так і ўнутрыпалітычнай абстаноўкі

25 лютага, Мінск /Кар. БЕЛТА/. Сілавы блок Беларусі гатовы да любых змяненняў як знешняй, так і ўнутрыпалітычнай абстаноўкі. Аб гэтым заявіў сёння журналістам дзяржаўны сакратар Савета бяспекі Аляксандр Вальфовіч пасля сустрэчы з кіраўніком дзяржавы, перадае карэспандэнт БЕЛТА.

Стан спраў у дзяржаўных органах сістэмы забеспячэння нацыянальнай бяспекі і перспектывы развіцця гэтых ведамстваў сталі адной з тэм даклада Аляксандра Вальфовіча Прэзідэнту. Як заявіў дзяржсакратар Савета бяспекі, у гэтых структурах сёння арганізаваны дастатковы ўзровень узаемадзеяння.

"Ведамствы сілавога блока могуць вырашаць задачы па забеспячэнні правапарадку ў нашай краіне - кожны ў адпаведнасці са сваім прызначэннем. Яны гатовы да любых змяненняў як знешняй, так і ўнутрыпалітычнай абстаноўкі", - падкрэсліў Аляксандр Вальфовіч.

Ён са шкадаваннем канстатаваў, што на гэты час узаемаадносінам краін усё больш ўласцівы сілавыя метады вырашэння канфліктаў, пагрозы, непрыкрытае ўмяшанне ў справы іншых дзяржаў. "Беларусь не з'яўляецца выключэннем, і гэта выклікае пэўную нестабільнасць у грамадстве", - звярнуў увагу дзяржсакратар Савета бяспекі.

Аляксандр Вальфовіч дадаў, што пытанні паступальнага сацыяльна-эканамічнага развіцця краіны сёння як ніколі выходзяць на першы план, паколькі ад гэтага залежыць устойлівае функцыянаванне дзяржавы. "У ведамстваў сілавога блока тут асаблівая роля - забяспечыць устойлівае функцыянаванне эканамічнай і палітычнай сістэмы грамадства. І сёння тая сістэма нацыянальнай бяспекі, якая створана ў нашай краіне, забяспечвае вырашэнне гэтых важных задач. Наш народ можа быць спакойны, мы забяспечым яго мірную працу і дастойнае жыццё".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі