22 лістапада, Мінск /Кар. БЕЛТА/. Распрацоўка новай Канцэпцыі бяспекі Саюзнай дзяржавы вялася разам з вучонымі. Аб гэтым заявіў журналістам дзяржаўны сакратар Савета бяспекі Беларусі Аляксандр Вальфовіч на палях міжнароднай навукова-практычнай канферэнцыі "Бяспека Саюзнай дзяржавы: выклікі і пагрозы", перадае карэспандэнт БЕЛТА.
Сярод іншых прыкладаў супрацоўніцтва з вучонымі - работа над Канцэпцыяй інфармацыйнай бяспекі Саюзнай дзяржавы, прынятай у мінулым годзе. Своеасаблівую навуковую экспертызу перад зацвярджэннем Усебеларускім народным сходам прайшлі таксама новыя Канцэпцыя нацыянальнай бяспекі Беларусі і Ваенная дактрына. "Каб дакументы былі вывераны, якасна падрыхтаваны, каб улічваліся ўсе напрамкі дзейнасці, вядома ж, трэба меркаванне вучоных розных напрамкаў. Гэта падмацоўвае наш пункт гледжання пры распрацоўцы дакументаў, тым больш гэта дакументы стратэгічнага планавання", - адзначыў дзяржсакратар Савета бяспекі.
Дзеючая Канцэпцыя бяспекі Саюзнай дзяржавы была прынята 25 гадоў таму. За гэты час шмат што змянілася. "Ваенна-палітычная абстаноўка, якая сёння складваецца вакол нашых краін, ды і ў цэлым у свеце, сведчыць аб тым, наколькі свет перавярнуўся. На фоне будаўніцтва шматпалярнага свету, на фоне поўнасцю разбуранай архітэктуры міжнароднай бяспекі па ініцыятыве ЗША і іх сатэлітаў на Захадзе, вядома, ёсць неабходнасць у такіх дакументах. Выпрацоўка практычных крокаў для забеспячэння бяспекі дзяржавы вельмі важная", - падкрэсліў Аляксандр Вальфовіч.
"Усе напрамкі, не толькі ў сферы бяспекі, павінны быць навукова падмацаваны, інакш яны асуджаны на правал. Мы сумесна з НАН праводзім міжнародную навукова-практычную канферэнцыю напярэдадні важнейшай палітычнай падзеі - пасяджэння Вышэйшага дзяржсавета Саюзнай дзяржавы. Там будзе разгледжаны і, думаю, прыняты праект новай Канцэпцыі бяспекі Саюзнай дзяржавы. Для работы над гэтым дакументам год таму была сфарміравана міжведамасная рабочая група, у якую ўвайшлі прадстаўнікі ўсіх сфер, у тым ліку вядучыя вучоныя Беларусі і Расіі, каб у рабоце над канцэпцыяй быў навуковы падыход. Такі падыход у нашай краіне мы ўзялі на ўзбраенне даўно", - сказаў Аляксандр Вальфовіч.
Дзеючая Канцэпцыя бяспекі Саюзнай дзяржавы была прынята 25 гадоў таму. За гэты час шмат што змянілася. "Ваенна-палітычная абстаноўка, якая сёння складваецца вакол нашых краін, ды і ў цэлым у свеце, сведчыць аб тым, наколькі свет перавярнуўся. На фоне будаўніцтва шматпалярнага свету, на фоне поўнасцю разбуранай архітэктуры міжнароднай бяспекі па ініцыятыве ЗША і іх сатэлітаў на Захадзе, вядома, ёсць неабходнасць у такіх дакументах. Выпрацоўка практычных крокаў для забеспячэння бяспекі дзяржавы вельмі важная", - падкрэсліў Аляксандр Вальфовіч.
Ён звярнуў увагу на павелічэнне ваеннай прысутнасці блока НАТА ў Еўропе, у тым ліку каля граніц Беларусі, значнае павелічэнне ваенных бюджэтаў, вялікую колькасць вучэнняў, якія праходзяць у Еўропе, - каля заходніх граніц Саюзнай дзяржавы, на тэрыторыі Польшчы і краін Балтыі. "І самае галоўнае - нежаданне нашых суседзяў-апанентаў выпрацоўваць нейкія канструктыўныя крокі, нацэленыя на забеспячэнне бяспекі. Яны гавораць, што блок НАТА створаны для забеспячэння міру і бяспекі, але іх дзеянні сведчаць аб процілеглым", - заявіў дзяржсакратар Савета бяспекі.
Паводле яго слоў, праект новай Канцэпцыі бяспекі Саюзнай дзяржавы мае выключна абарончую накіраванасць, нацэлены на забеспячэнне міру, выпрацоўку механізмаў процідзеяння агрэсіі. "Гэты дакумент за год набыў цвёрдую структуру. Ён поўнасцю перапрацаваны. Новая структура, новы базіс, новыя палажэнні. Мы вызначылі стратэгічныя інтарэсы Саюзнай дзяржавы, прыярытэтныя напрамкі і механізмы забеспячэння бяспекі ў СД. На мой погляд, атрымаўся добры, паўнацэнны дакумент, які накіраваны на выпрацоўку практычных крокаў у сферы забеспячэння бяспекі. Гэта галоўнае на сёння, гэта хвалюе народы і Беларусі, і Расіі, ды і наогул усю разважлівую супольнасць", - рэзюмаваў Аляксандр Вальфовіч.-0-
Фота Мікалая Пятрова
Падпісвайцеся на нас у
