31 мая, Мінск /Кар. БЕЛТА/. Дзяржаўны сакратар Савета бяспекі Аляксандр Вальфовіч прадставіў каманднаму складу Дзяржаўнага пагранічнага камітэта новага старшыню Канстанціна Моластава, перадае карэспандэнт БЕЛТА.
Звяртаючыся да кіруючага складу пагранічнага ведамства, Аляксандр Вальфовіч звярнуў увагу, што Канстанцін Моластаў прайшоў шлях ад простага пагранічніка да начальніка Гродзенскай пагрангрупы. Дзяржсакратар Савета бяспекі таксама адзначыў, што Канстанцін Моластаў добра ведае абстаноўку на рубяжах Беларусі. Акрамя таго, ён мае вопыт кіраўніцтва рознымі падраздзяленнямі ў сістэме пагранічнага ведамства.
Аляксандр Вальфовіч таксама павіншаваў Канстанціна Моластава з днём нараджэння, які супаў з днём назначэння на пасаду старшыні Дзяржпагранкамітэта.
Як паведамлялася раней, 30 мая Канстанцін Моластаў указам кіраўніка дзяржавы назначаны новым кіраўніком Дзяржаўнага пагранічнага камітэта.-0-
Фота Таццяны Матусевіч
