Фота "Ваяр"
13 жніўня, Масква /Эдуард Півавар - БЕЛТА/. Прадпрыемствы беларускага ваенна-прамысловага комплексу прывязуць з міжнароднага ваенна-тэхнічнага форуму "Армія-2024", які праходзіць у падмаскоўным выставачным цэнтры "Патрыёт", шмат новых кантрактаў. Упэўненасць у гэтым выказаў у размове з журналістамі пасля агляду выставачнай экспазіцыі дзяржаўны сакратар Савета бяспекі Беларусі Аляксандр Вальфовіч, паведамляе карэспандэнт БЕЛТА.
Аляксандр Вальфовіч адзначыў, што Беларусь на форуме "Армія-2024" дэманструе поўны комплекс навінак свайго ваенна-прамысловага комплексу. "Мы бачым шмат наведвальнікаў, якія цікавяцца прадукцыяй ваеннага прызначэння Рэспублікі Беларусь. Думаю, нашы прадпрыемствы ВПК прывязуць шмат новых кантрактаў", - сказаў ён.
Паводле слоў дзяржсакратара Савета бяспекі, такія міжнародныя выстаўкі, як "Армія-2024" або "Нацыянальная бяспека - 2024", якая нядаўна прайшла ў Мінску, даюць магчымасць перш за ўсё сабраць сяброў. "Тут прадстаўлена ў большай ступені ваенная прадукцыя краін, якія выступаюць за мір і бяспеку, у процівагу краінам калектыўнага Захаду, якія гавораць пра дэмакратыю, а дэманструюць зусім іншыя падыходы. Парушэнне дзяржаўнай граніцы Беларусі ўкраінскімі беспілотнікамі і тое, што адбываецца ў Курскай і Белгародскай абласцях, сведчыць аб намерах Захаду, вось яго рэальны твар", - адзначыў ён.
Аляксандр Вальфовіч канстатаваў: дынаміка сучаснай абстаноўкі ў свеце і рэгіёне патрабуе прыняцця адэкватных мер рэагавання. "Сёння ні адна дзяржава паасобку не здольна процістаяць новым выклікам і пагрозам, якія пастаянна трансфармуюцца і маюць усё больш выяўлены транснацыянальны характар. Гэта аксіёма, - падкрэсліў ён. - У рамках прадстаўнічага міжнароднага форуму "Армія-2024" у нас ёсць магчымасць у нефармальнай абстаноўцы не толькі зверыць гадзіннікі, але і абмеркаваць найбольш вострыя, праблемныя пытанні міжнароднай і рэгіянальнай бяспекі".
З улікам глыбіні крызісу ва Украіне, а таксама захавання напружанасці ў Еўрапейскім рэгіёне, на Блізкім Усходзе, у Азіяцка-Ціхаакіянскім рэгіёне Аляксандр Вальфовіч назваў прыярытэтныя задачы на сучасным этапе. "На гэтым этапе мы лічым неабходным аказваць максімальна магчымае садзейнічанне мірнаму ўрэгуляванню ўкраінскага канфлікту і арганізацыі перагаворнага працэсу. Пры гэтым намі будуць прыкладзены ўсе намаганні для аднаўлення нармальнага дыялогу. Мінск заўсёды быў і застаецца бяспечнай пляцоўкай для такіх перагавораў", - заявіў ён.
Сярод прыярытэтных задач дзяржсакратар Савета бяспекі таксама назваў ахову дзяржаўнай граніцы і правядзенне ўзважанай прыгранічнай палітыкі з мэтай выключэння любых правакацый. "Сёння гэта актуальна як ніколі. Асобныя сілы за мяжой наўмысна імкнуцца ўцягнуць нас у канфлікт, пасеяць паніку і хаос на граніцы Саюзнай дзяржавы. Гэтага дапусціць нельга", - падкрэсліў ён.
Аляксандр Вальфовіч адзначыў, што Беларусь як донар міжнароднай і рэгіянальнай бяспекі надзейна забяспечвае бяспеку Саюзнай дзяржавы. Сумесна з Расійскай Федэрацыяй прымаецца комплекс мер стратэгічнага стрымлівання з мэтай недапушчэння ўдару з заходняга фланга.
"І нарэшце, важнейшай задачай для нас з'яўляецца актыўны ўдзел у фарміраванні новай архітэктуры міжнароднай і рэгіянальнай бяспекі ў рамках постканфліктнага светаўладкавання, - падкрэсліў Аляксандр Вальфовіч. - З'яўленне новых выклікаў і пагроз не толькі правярае на трываласць саюз Беларусі і Расіі, але і ўмацоўвае наша стратэгічнае партнёрства".-0-
Аляксандр Вальфовіч адзначыў, што Беларусь на форуме "Армія-2024" дэманструе поўны комплекс навінак свайго ваенна-прамысловага комплексу. "Мы бачым шмат наведвальнікаў, якія цікавяцца прадукцыяй ваеннага прызначэння Рэспублікі Беларусь. Думаю, нашы прадпрыемствы ВПК прывязуць шмат новых кантрактаў", - сказаў ён.
Паводле слоў дзяржсакратара Савета бяспекі, такія міжнародныя выстаўкі, як "Армія-2024" або "Нацыянальная бяспека - 2024", якая нядаўна прайшла ў Мінску, даюць магчымасць перш за ўсё сабраць сяброў. "Тут прадстаўлена ў большай ступені ваенная прадукцыя краін, якія выступаюць за мір і бяспеку, у процівагу краінам калектыўнага Захаду, якія гавораць пра дэмакратыю, а дэманструюць зусім іншыя падыходы. Парушэнне дзяржаўнай граніцы Беларусі ўкраінскімі беспілотнікамі і тое, што адбываецца ў Курскай і Белгародскай абласцях, сведчыць аб намерах Захаду, вось яго рэальны твар", - адзначыў ён.
Аляксандр Вальфовіч канстатаваў: дынаміка сучаснай абстаноўкі ў свеце і рэгіёне патрабуе прыняцця адэкватных мер рэагавання. "Сёння ні адна дзяржава паасобку не здольна процістаяць новым выклікам і пагрозам, якія пастаянна трансфармуюцца і маюць усё больш выяўлены транснацыянальны характар. Гэта аксіёма, - падкрэсліў ён. - У рамках прадстаўнічага міжнароднага форуму "Армія-2024" у нас ёсць магчымасць у нефармальнай абстаноўцы не толькі зверыць гадзіннікі, але і абмеркаваць найбольш вострыя, праблемныя пытанні міжнароднай і рэгіянальнай бяспекі".
З улікам глыбіні крызісу ва Украіне, а таксама захавання напружанасці ў Еўрапейскім рэгіёне, на Блізкім Усходзе, у Азіяцка-Ціхаакіянскім рэгіёне Аляксандр Вальфовіч назваў прыярытэтныя задачы на сучасным этапе. "На гэтым этапе мы лічым неабходным аказваць максімальна магчымае садзейнічанне мірнаму ўрэгуляванню ўкраінскага канфлікту і арганізацыі перагаворнага працэсу. Пры гэтым намі будуць прыкладзены ўсе намаганні для аднаўлення нармальнага дыялогу. Мінск заўсёды быў і застаецца бяспечнай пляцоўкай для такіх перагавораў", - заявіў ён.
Сярод прыярытэтных задач дзяржсакратар Савета бяспекі таксама назваў ахову дзяржаўнай граніцы і правядзенне ўзважанай прыгранічнай палітыкі з мэтай выключэння любых правакацый. "Сёння гэта актуальна як ніколі. Асобныя сілы за мяжой наўмысна імкнуцца ўцягнуць нас у канфлікт, пасеяць паніку і хаос на граніцы Саюзнай дзяржавы. Гэтага дапусціць нельга", - падкрэсліў ён.
Аляксандр Вальфовіч адзначыў, што Беларусь як донар міжнароднай і рэгіянальнай бяспекі надзейна забяспечвае бяспеку Саюзнай дзяржавы. Сумесна з Расійскай Федэрацыяй прымаецца комплекс мер стратэгічнага стрымлівання з мэтай недапушчэння ўдару з заходняга фланга.
"І нарэшце, важнейшай задачай для нас з'яўляецца актыўны ўдзел у фарміраванні новай архітэктуры міжнароднай і рэгіянальнай бяспекі ў рамках постканфліктнага светаўладкавання, - падкрэсліў Аляксандр Вальфовіч. - З'яўленне новых выклікаў і пагроз не толькі правярае на трываласць саюз Беларусі і Расіі, але і ўмацоўвае наша стратэгічнае партнёрства".-0-
Падпісвайцеся на нас у
