25 лістапада, Мінск /Кар. БЕЛТА/. Амаль 200 бежанцаў чакаюць у Нацыянальным аэрапорце вылету ў Ірак, паведаміў журналістам дзяржаўны сакратар Савета бяспекі Аляксандр Вальфовіч, перадае карэспандэнт БЕЛТА.
"На жаль, сёння з боку Еўрасаюза ніякіх мер не прымаецца. Паводле нашай інфармацыі, сёння павінен быў быць эвакуацыйны рэйс з Ірака для вяртання гэтых бежанцаў, якія пажадалі вярнуцца дадому. Не ўсе з іх сёння жадаюць вярнуцца ў Ірак, таму што зноў літаральна некалькі дзён таму паступіла інфармацыя, што развязалі ваенныя дзеянні на тэрыторыі Курдыстана. Ідзе вайна ў прамым сэнсе слова. Вядома, жанчыны з дзецьмі ў дзяржаву, у якой ваююць, вяртацца не хочуць. Але некаторыя жадаюць вярнуцца. Але рэйс па нейкіх прычынах сёння не адбыўся, не прыбыў у Беларусь. Каля 200 мігрантаў знаходзяцца ў аэрапорце ў чаканні гэтага рэйса", - сказаў Аляксандр Вальфовіч.
Паводле яго слоў, ЕС пакуль бяздзейнічае ў гэтай сітуацыі. "Я сказаў бы, пакуль абыходзіцца нейкімі вылазкамі тэхнічных работнікаў ЕС, размаўляючы з мігрантамі, гледзячы, як Беларусь аказвае ім дапамогу. А дзе дапамога з боку Еўрасаюза? Яе проста не відаць. Таму Беларусь дзейнічае і будзе дзейнічаць як нармальная цывілізаваная еўрапейская дзяржава ў адпаведнасці з усімі міжнароднымі нормамі і патрабаваннямі, выконваць усе міжнародныя дагаворы", - канстатаваў Аляксандр Вальфовіч.-0-
