ДЗЯРЖОРГАНЫДЗЯРЖОРГАНЫ
Флаг Серада, 8 снежня 2021
Мінск Суцэльная воблачнасць -12°C
Усе навіны
Усе навіны
Грамадства
25 лістапада 2021, 12:29

Вальфовіч: Беларусь не вінавата ў тым, што сёння адбываецца на граніцы

25 лістапада, Мінск /Кар. БЕЛТА/. Беларусь не вінавата ў тым, што сёння адбываецца на беларуска-польскай граніцы, заявіў журналістам дзяржаўны сакратар Савета бяспекі Аляксандр Вальфовіч, перадае карэспандэнт БЕЛТА.

"Тое, што сёння адбываецца на граніцы, - у гэтым вінавата не Беларусь. Тут трэба разглядаць корань зла і тыя прычыны, якія справакаваў той жа калектыўны Захад у краінах Блізкага Усходу, Азіі", - сказаў Аляксандр Вальфовіч.

Паводле яго слоў, Беларусь процідзейнічае нелегальнай міграцыі. "Толькі за гэты год у нас затрымана звыш 11,5 тыс. нелегальных мігрантаў. Каля 5 тыс. адпраўлены за межы краіны і прыцягнуты да розных відаў адказнасці. Таму мы процідзейнічаем гэтаму, - адзначыў дзяржсакратар. - І органы пагранічнай службы сёння нясуць службу ва ўзмоцненым рэжыме. Мы маглі б, вядома, гэтак жа зрабіць, як нашы заходнія суседзі, прыцягнуць туды Узброеныя Сілы, нейкія іншыя групоўкі. Але зразумейце, сапраўды, можа ўспыхнуць пагранічны інцыдэнт. Таму мудрае рашэнне - кіраўнік дзяржавы сёння не даў каманды разгарнуць нейкія групоўкі войскаў, хоць яны знаходзяцца ў нас у пастаяннай боегатоўнасці паблізу граніц Рэспублікі Беларусь. Ахова дзяржаўнай граніцы ажыццяўляецца органамі пагранічнай службы сёння ва ўзмоцненым рэжыме, зыходзячы з гэтага патоку мігрантаў і прыняцця адпаведных мер", - адзначыў дзяржсакратар.

Аляксандр Вальфовіч дадаў, што Беларусь робіць усё магчымае для аказання дапамогі бежанцам, якія апынуліся ў такой складанай сітуацыі на беларуска-польскай граніцы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі