Аляксандр Вальфовіч
1 лістапада, Мінск /Кар. БЕЛТА/. Беларусь не на словах, а на справе даказвае, што мы за мір, бяспечную і прагрэсіўную будучыню, заявіў журналістам дзяржаўны сакратар Савета бяспекі Беларусі Аляксандр Вальфовіч, перадае карэспандэнт БЕЛТА.
Сёння свет стаіць на краі прорвы, падкрэсліў дзяржаўны сакратар Савета бяспекі. "І вось такія мерапрыемствы сёння як ніколі патрэбныя і важныя для таго, каб выпрацаваць канкрэтныя крокі для прадухілення бяды чалавецтва па вялікім рахунку. Гэта не рэгіянальная нейкая катастрофа. Гэта катастрофа наперадзе глабальнага маштабу, - заявіў ён.- Тое, што робіцца сёння на Захадзе і аб чым гавораць сёння заходнія палітыкі, фарміруючы грамадскую думку (самае страшнае - у свайго насельніцтва, насельніцтва сваіх краін), унушаючы тое, што сёння ваенная сіла вырашае ўсё, што сёння ядзерная зброя можа дасягнуць нейкіх мэт. Я ўчора аб гэтым гаварыў: забылі страшныя ўрокі Другой сусветнай вайны, урокі Вялікай Айчыннай вайны, тое, да чаго гэта можа прывесці. Не робяць высноў, на жаль, на фоне гарачых канфліктаў, якія сёння праходзяць на Блізкім Усходзе, ва Украіне, забіраючы кожны дзень тысячы і тысячы жыццяў. Наш Прэзідэнт неаднаразова гаварыў: трэба спыніцца, сесці за стол перагавораў. Рана ці позна гэта будзе. Але колькі людзей яшчэ загіне і дзеля чаго?"
Мерапрыемствы ІІ Мінскай міжнароднай канферэнцыі па еўразійскай бяспецы праходзяць у беларускай сталіцы 31 кастрычніка - 1 лістапада. У канферэнцыі прымаюць удзел каля 600 удзельнікаў з больш як 40 краін. Гэта высокапастаўленыя госці з усёй вялікай Еўразіі, прадстаўнікі краін АБСЕ, СНД, ШАС, кіраўнікі шэрага міжнародных арганізацый, кіраўнікі і высокапастаўленыя эксперты вядучых фабрык думкі ўсяго Еўразійскага рэгіёна.
"Гэта сведчыць аб тым, што Беларусь - адкрытая краіна. І тое, што гаварылі, што наша краіна закрыта для некага... Гэта другая міжнародная канферэнцыя па еўразійскай бяспецы прадэманстравала ўсяму свету адкрытасць і імкненне Беларусі сапраўды не на словах, а на справе даказаць, што мы за мір, за бяспечную і прагрэсіўную будучыню, - адзначыў Аляксандр Вальфовіч. - Сапраўды больш за 600 чалавек прысутнічалі ўчора на першым дні канферэнцыі, высокія замежныя прадстаўнікі, вышэйшыя службовыя асобы дзяржаў прыехалі і з трыбуны выступалі, расказвалі сваё бачанне складанай геапалітычнай абстаноўкі, якая сёння складваецца ў свеце. Таму канферэнцыя праходзіць вельмі ярка, насычаная праграма і вынікі гэтай канферэнцыі будуць сведчыць аб тым, што Беларусь - краіна не толькі слова, але і справы. Таму да нас едуць людзі з адкрытай душой, з адкрытым сэрцам".
"Таму гэта канферэнцыя, на мой погляд, сапраўды патрэбнае мерапрыемства, якое праходзіць своечасова, у патрэбны час і на самыя актуальныя тэмы, якія патрэбны сёння не толькі Беларусі, але і ўсяму свету", - дадаў Аляксандр Вальфовіч.-0-
Падпісвайцеся на нас у
