ДЗЯРЖОРГАНЫДЗЯРЖОРГАНЫ
Флаг Аўторак, 28 чэрвеня 2022
Мінск +29°C
Усе навіны
Усе навіны
Грамадства
17 студзеня 2022, 16:40

Ваенны аналітык БІСД: вучэнне "Саюзная рашучасць" нельга разглядаць як крок да канфрантацыі з калектыўным Захадам

17 студзеня, Мінск /Кар. БЕЛТА/. Аператыўнае вучэнне ўзброеных сіл Беларусі і Расіі "Саюзная рашучасць - 2022" нельга разглядаць як крок у бок канфрантацыі з калектыўным Захадам або абвастрэння сітуацыі на граніцы з Украінай. Такое меркаванне выказаў БЕЛТА ваенны аналітык Беларускага інстытута стратэгічных даследаванняў Андрэй Чарнабай.

"Правядзенне на тэрыторыі Рэспублікі Беларусь сумеснага аператыўнага вучэння ўзброеных сіл Беларусі і Расіі "Саюзная рашучасць - 2022" ні ў якім разе нельга разглядаць як крок, накіраваны на канфрантацыю з калектыўным Захадам або абвастрэнне сітуацыі на граніцы з Украінай", - сказаў Андрэй Чарнабай.

У Рэспубліцы Беларусь і Расійскай Федэрацыі адэкватна ацэньваюць развіццё ваенна-палітычнай абстаноўкі на граніцах Саюзнай дзяржавы і прымаюць неабходныя меры па забеспячэнні ваеннай бяспекі краін.

"Мы штогадова праводзім планавыя і раптоўныя праверкі баявой гатоўнасці органаў ваеннага кіравання, злучэнняў і воінскіх часцей Узброеных Сіл Рэспублікі Беларусь. Аналагічныя мерапрыемствы на пастаяннай аснове праходзяць і ў Расійскай Федэрацыі. Таму правядзенне комплекснай праверкі ваеннага складніка Саюзнай дзяржавы па рэагаванні на рызыкі і выклікі ваеннай бяспецы бачыцца цалкам лагічным і абгрунтаваным. Важна, што маючае адбыцца вучэнне будзе мець выключна абарончы характар", - сказаў Андрэй Чарнабай.

Ваенны аналітык у сувязі з гэтым нагадаў, што цяпер толькі армія ЗША ў Еўропе ўдзельнічае ў пяці аперацыях і місіях НАТА. "Гэты факт па ўмаўчанні робіць некарэктнымі ўсе пытанні наконт удзелу Узброеных Сіл Расіі ў вучэнні на тэрыторыі нашай краіны", - падкрэсліў Андрэй Чарнабай.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі