6 снежня, Мінск /Кар. БЕЛТА/. Ва Узброеных Сілах Беларусі пачаліся планавыя заняткі па баявой гатоўнасці. Аб гэтым БЕЛТА паведамілі ў прэс-службе Міністэрства абароны.
Мерапрыемствы праводзяцца ў адпаведнасці з планам падрыхтоўкі па прызначэнні пасля чарговага прызыву на ваенную службу і асваення новым папаўненнем праграмы пачатковай ваеннай падрыхтоўкі. Агульная накіраванасць заняткаў заключаецца ў правядзенні комплексу паслядоўных трэніровак з усімі катэгорыямі ваеннаслужачых, падраздзяленнямі, воінскімі часцямі, злучэннямі, органамі ваеннага кіравання. Асноўныя мэты - падтрыманне баявой і мабілізацыйнай гатоўнасці на неабходным узроўні, павышэнне зладжанасці органаў ваеннага кіравання, удасканаленне практычных навыкаў камандзіраў і абучэнне асабовага складу дзеянням у розных умовах абстаноўкі.-0-
