19 студзеня, Мінск /Кар. БЕЛТА/. Сёння пад кіраўніцтвам начальніка Дэпартамента міжнароднага ваеннага супрацоўніцтва Алега Воінава праводзіцца вучэбна-метадычны збор з афіцэрамі, адказнымі за рэалізацыю міжнародных дагавораў у галіне кантролю над узбраеннямі. Аб гэтым БЕЛТА паведамілі ў Міністэрстве абароны.
Мэта збору - падрыхтаваць службовых асоб Узброеных Сіл, камандаванняў Ваенна-паветраных сіл і войскаў проціпаветранай абароны, сіл спецыяльных аперацый, аператыўных камандаванняў, злучэнняў і воінскіх часцей да забеспячэння дзейнасці замежных інспекцыйных груп на тэрыторыі Беларусі.
Плануецца азнаёміць удзельнікаў збору з палажэннямі асноўных міжнародных дагавораў у галіне кантролю над узбраеннямі - Дагавора аб звычайных узброеных сілах у Еўропе і Венскага дакумента 2011 года аб мерах умацавання даверу і бяспекі, абучыць парадку работы названых службовых асоб па суправаджэнні замежных інспектараў на тэрыторыях злучэнняў і воінскіх часцей у ходзе верыфікацыйных мерапрыемстваў.-0-
