Мабільная версія
ДЗЯРЖОРГАНЫ

Апошнія навіны
Усе навіны

Увядзенне сеткавага навучання дасць магчымасць студэнтам займацца на ваеннай кафедры ў іншай ВНУ

Грамадства 15.03.2019 | 10:34
Фота з архіва
Фота з архіва

15 сакавіка, Мінск /Кар. БЕЛТА/. Увядзенне сеткавага навучання дасць магчымасць студэнту вучыцца на ваеннай кафедры ў іншай ВНУ, калі ў яго навучальнай установе такой кафедры няма. Аб гэтым паведаміў 14 сакавіка журналістам начальнік упраўлення ваеннай адукацыі Міністэрства абароны Ігар Слуцкі, перадае карэспандэнт БЕЛТА.

"Цяпер прапрацоўваецца ў Міністэрстве адукацыі заканадаўчы акт - указ аб сеткавай падрыхтоўцы. Ён дасць магчымасць навучаць студэнтаў не толькі той ВНУ, дзе ёсць ваенная кафедра як штатная структура, але і іншых устаноў адукацыі. Гэта дазволіць крыху пашырыць лінейку выбару і дасць маладым людзям з іншых ВНУ магчымасці. Таму што адкрыць ваенную кафедру ў кожным універсітэце праблематычна і вельмі дорага", - адзначыў Ігар Слуцкі.

Ён таксама расказаў аб змяненнях, якія ўжо дзейнічаюць у галіне навучання на ваенных кафедрах. "Мы пайшлі па шляху павелічэння часу, унеслі змяненні ў сумесную пастанову Мінабароны і Міністэрства адукацыі аб парадку работы ваенных навучальных устаноў па падрыхтоўцы афіцэраў запасу і малодшых камандзіраў - да 200 гадзін. Гэта значыць, ужо на паўгода раней будзем набіраць на ваенныя кафедры", - растлумачыў прадстаўнік Мінабароны.

Прынцыпы набору застаюцца ранейшымі. У першую чаргу важна здароўе, а таксама паспяховасць. Колькасць месцаў на ваенных кафедрах кожны год вызначаецца зыходзячы з патрэбнасці.

Як вядома, прызываюцца кожны год 100 афіцэраў запасу, якія заканчвалі ваенныя кафедры. Некаторыя з іх застаюцца ў войсках. "У пазамінулым годзе са 100 засталося на кантракт 37 чалавек, у мінулым - 34. Гэта значыць каля трэці хочуць застацца ў арміі", - сказаў Ігар Слуцкі.

Ён таксама адказаў на пытанне аб тым, ці будуць студэнтаў на канікулах адпраўляць у армію. "Усе гэтыя пытанні ў рамках разгляду. Гэта нават, можа, не гэтага года работа", - дадаў прадстаўнік Мінабароны. Ігар Слуцкі таксама нагадаў, што ведамствамі прапрацоўваецца тэма адтэрміновак: "Колькі іх будзе, якімі яны будуць, ці магчыма будзе набраць больш людзей - усё яшчэ ў рамках разгляду і ўзгаднення".-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сотавая сувязь у Беларусі Паслугі сотавай рухомай электрасувязі ў Беларусі аказваюць тры аператары: ЗАТ "БеСТ", ТАА "МТС" і УП "Велком".