ДЗЯРЖОРГАНЫДЗЯРЖОРГАНЫ
Серада, 5 жніўня 2020
Мінск Воблачна з праясненнямі +19°C
Усе навіны
Усе навіны
Грамадства
19 ліпеня 2018, 11:08

Устаноўлены пералік прадметаў школьных выпускных экзаменаў у новым навучальным годзе

19 ліпеня, Мінск /Кар. БЕЛТА/. Мінадукацыі ўстанавіла пералік прадметаў школьных выпускных экзаменаў у 2018/2019 навучальным годзе. Адпаведная пастанова Міністэрства адукацыі ад 4 ліпеня 2018 года нумар 59 апублікавана на Нацыянальным прававым інтэрнэт-партале, паведамляе БЕЛТА.

Згодна з дакументам выпускнікі 9-х класаў будуць здаваць пісьмовыя экзамены па беларускай, рускай мовах і матэматыцы. Навучэнцы, якія асвоілі праграму сярэдняй адукацыі, у пісьмовай форме будуць экзаменавацца па матэматыцы, а таксама па беларускай або рускай мове (на выбар). Вусна адзінаццацікласнікі будуць здаваць замежную мову і гісторыю Беларусі.

Пры гэтым навучэнцы, якія вучыліся на мове нацыянальнай меншасці (польскай або літоўскай), дадаткова будуць здаваць пісьмовыя экзамены па гэтай мове.

Навучэнцы базавай школы - каледжа мастацтваў, сярэдняй школы, - каледжа мастацтваў, гімназіі - каледжа мастацтваў на ІІ і ІІІ ступенях агульнай сярэдняй адукацыі нараўне з вучэбнымі прадметамі, абавязковымі для адукацыйнай праграмы базавай і сярэдняй адукацыі, будуць здаваць выпускны экзамен на выбар па адным з вучэбных прадметаў, змест якіх накіраваны на развіццё здольнасцей навучэнцаў у галіне асобных відаў мастацтваў, які праводзіцца ў практычнай форме.

Дакумент уступае ў сілу з 1 верасня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі