13 лютага, Мінск /Кар. БЕЛТА/. Усе пацыенты з вострымі рэспіраторнымі інфекцыямі і грыпападобнымі захворваннямі, ад якіх былі выдзелены вірусы грыпу, не былі прышчэплены ад грыпу ў перадэпідэмічны перыяд. Такая інфармацыя размешчана на сайце Рэспубліканскага цэнтра гігіены, эпідэміялогіі і грамадскага здароўя, паведамляе БЕЛТА.
Цяпер у краіне сезонная захваральнасць на вострыя рэспіраторныя інфекцыі і грып сярэдняй інтэнсіўнасці. Гэта адпавядае прагнозам Нацыянальнага цэнтра па грыпе і іншых вострых рэспіраторных захворваннях. Сярод хворых пераважаюць дзеці - 66,7 працэнта.
У структуры цыркулюючых рэспіраторных вірусаў прадаўжае нарастаць доля вірусаў грыпу тыпу А, сярод якіх пераважае A(H1N1)pdm09. Актыўна цыркулююць рэспіраторныя вірусы негрыпознай этыялогіі (вірусы парагрыпу, адэнавірусы, бокавірусы, рынавірусы, метапнеўмавірусы). Як адзначылі ў цэнтры, цыркуляцыя вірусаў грыпу А (H1N1, H3N2) чаканая для краін Паўночнага паўшар'я, уключаючы Беларусь. З 2010 года аналагі віруса з антыгеннай структурай А (H1N1)pdm09 уваходзяць у склад усіх процігрыпозных вакцын.
Эпідэміялагічная сітуацыя па захваральнасці на ВРІ знаходзіцца на пастаянным кантролі санітарна-эпідэміялагічнай службы і Міністэрства аховы здароўя.
Узмоцнены кантроль за санітарна-гігіенічным станам устаноў адукацыі. У час наглядных мерапрыемстваў адначасова з ацэнкай гігіенічных нарматываў тэмпературы паветра і рэжыму праветрывання ў памяшканнях устаноў удзяляецца ўвага спраўнасці і функцыянаванню сістэм ацяплення і вентыляцыі.
Міністэрства аховы здароўя рэкамендуе ў гэты перыяд выконваць правілы гігіены рук. Калі няма магчымасці памыць рукі з мылам, трэба прымяняць спіртазмяшчальныя або дэзынфіцыруючыя сурвэткі. Важна помніць пра "рэспіраторны этыкет" (прыкрываць рот і нос платком пры чханні і кашлі). Таксама рэкамендуецца пазбягаць наведвання шматлюдных мясцін, па магчымасці не кантактаваць на адлегласці меншай за 1 м з людзьмі, маючымі сімптомы ВРІ. Дзеці з прыкметамі вострай рэспіраторнай інфекцыі павінны заставацца дома і не наведваць дашкольныя ўстановы і школы.-0-
