ДЗЯРЖОРГАНЫДЗЯРЖОРГАНЫ
Аўторак, 21 студзеня 2020
Мінск Суцэльная воблачнасць +4°C
Усе навіны
Усе навіны
Грамадства
16 ліпеня 2019, 10:27

Урад вызначыў стаўкі аўтарскага ўзнагароджання за выкарыстанне музыкі ў эфіры

Фота з архіва
Фота з архіва

16 ліпеня, Мінск /Кар. БЕЛТА/. Урад вызначыў стаўкі аўтарскага ўзнагароджання за выкарыстанне музычных твораў пры іх перадачы ў эфір. Гэта прадугледжана пастановай Савета Міністраў ад 13 ліпеня 2019 года нумар 461, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

Пастановай вызначаны стаўкі аўтарскага ўзнагароджання за выкарыстанне музычных твораў шляхам перадачы ў эфір, па кабелі і іншым спосабам для ўсеагульнага азнаямлення. Яны складуць 1 працэнт ад атрымліваемага карыстальнікам даходу.

Згодна з законам аб аўтарскім праве, памер узнагароджання не можа быць ніжэйшы за мінімальныя стаўкі, устаноўленыя Саветам Міністраў.

Акрамя таго, абноўлены склад камісіі па дзяржаўнай акрэдытацыі арганізацый па калектыўным кіраванні маёмаснымі правамі. У яго ўключаны прадстаўнікі Мінкульта, Мінінфарма, Міністэрства прамысловасці, ДКНТ, Беларускага саюза кампазітараў, Беларускай гільдыі акцёраў кіно, Беларускага саюза тэатральных дзеячаў і Беларускай канфедэрацыі творчых саюзаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі