9 красавіка, Мінск /Кар. БЕЛТА/. Задача нумар 1 для прамысловасці - фарсіраванае развіццё, заявіў прэм'ер-міністр Беларусі Раман Галоўчанка на нарадзе ў кіраўніка дзяржавы аб стане і задачах развіцця прамысловасці, перадае карэспандэнт БЕЛТА.
"Задача нумар 1 для прамысловасці на канец бягучай пяцігодкі і на наступную - гэта фарсіраванае індустрыяльнае развіццё. Эканоміка на працягу бліжэйшых гадоў будзе аб'ектыўна адчуваць дэфіцыт кадраў. Рашэнне толькі адно - павышэнне прадукцыйнасці працы і мадэрнізацыя прамысловасці. Што для нас стратэгія развіцця прамысловасці? Простыя рэчы - выручка, сабекошт, якасць, продажы, кадры і стварэнне новых вытворчасцей высокіх тэхналагічных перадзелаў", - адзначыў Раман Галоўчанка.
Ключ да павышэння выручкі, паводле яго слоў, - у павышэнні загрузкі вытворчых магутнасцей. Сітуацыя на прадпрыемствах розная: магутнасці вытворчасці пасажырскага транспарту загружаны больш як на 100 працэнтаў, а падшыпнікаў - усяго на 12 працэнтаў.
Знізіць жа сабекошт дапаможа свядомая лакалізацыя, падкрэсліў прэм'ер-міністр. Цяперашні ўзровень 63 працэнты недастатковы. "Лічым мэтазгодным пераняць расійскі вопыт: дзяржпадтрымка, якая прадастаўляецца толькі пры дасягненні пэўнага ўзроўню лакалізацыі", - прапануюць ва ўрадзе.
У час нарады Прэзідэнт запатрабаваў звярнуць увагу на рынкі краін далёкай дугі і заняць на іх свае нішы. Паводле слоў Рамана Галоўчанкі, зацверджана праграма па развіцці супрацоўніцтва Беларусі з дзяржавамі Афрыкі на 2024-2026 гады. Яе мэта - аднавіць максімальныя аб'ёмы экспарту (у лепшыя гады ён дасягаў $410 млн) і істотна перасягнуць іх.
"Для гэтага вызначаны кропкі, краіны і гэтак далей. Але хто з вас колькі разоў там быў? - спытаў прэм'ер-міністр ва ўдзельнікаў нарады. - Задачы сфарміраваны па гадах у разрэзе ўсіх галін, і спагнанне за гэта будзе жорсткае, калі не вельмі жорсткае".
Кіраўнік дзяржавы таксама патрабуе не забываць аб расійскім рынку. Па шэрагу пазіцый беларускія прадпрыемствы праселі. Але Аляксандр Лукашэнка падкрэслівае: трэба закасаць рукавы і працаваць.
"Мы на пасяджэнні прэзідыума дэталёва разгледзелі пытанні экспартных паставак Мінпрама ў Расію, на далёкую дугу і гэтак далей. Разабралі ўсе праблемы і недахопы, скарэкціравалі планы", - далажыў Раман Галоўчанка.
Ён таксама звярнуў увагу, што якаснае пераўтварэнне прамысловага комплексу павінна ісці праз інвестыцыі і інавацыі, а значыць, трэба мадэрнізаваць цяперашнія і будаваць новыя магутнасці. "Прапаную зрабіць адзіную праграму мадэрнізацыі прамысловасці і паставіць на кантроль ва ўрадзе. Гэты спосаб сябе апраўдаў пры рэалізацыі перспектыўных імпартазамяшчальных праектаў", - сказаў прэм'ер-міністр.-0-
"Задача нумар 1 для прамысловасці на канец бягучай пяцігодкі і на наступную - гэта фарсіраванае індустрыяльнае развіццё. Эканоміка на працягу бліжэйшых гадоў будзе аб'ектыўна адчуваць дэфіцыт кадраў. Рашэнне толькі адно - павышэнне прадукцыйнасці працы і мадэрнізацыя прамысловасці. Што для нас стратэгія развіцця прамысловасці? Простыя рэчы - выручка, сабекошт, якасць, продажы, кадры і стварэнне новых вытворчасцей высокіх тэхналагічных перадзелаў", - адзначыў Раман Галоўчанка.
Ключ да павышэння выручкі, паводле яго слоў, - у павышэнні загрузкі вытворчых магутнасцей. Сітуацыя на прадпрыемствах розная: магутнасці вытворчасці пасажырскага транспарту загружаны больш як на 100 працэнтаў, а падшыпнікаў - усяго на 12 працэнтаў.
Знізіць жа сабекошт дапаможа свядомая лакалізацыя, падкрэсліў прэм'ер-міністр. Цяперашні ўзровень 63 працэнты недастатковы. "Лічым мэтазгодным пераняць расійскі вопыт: дзяржпадтрымка, якая прадастаўляецца толькі пры дасягненні пэўнага ўзроўню лакалізацыі", - прапануюць ва ўрадзе.
У час нарады Прэзідэнт запатрабаваў звярнуць увагу на рынкі краін далёкай дугі і заняць на іх свае нішы. Паводле слоў Рамана Галоўчанкі, зацверджана праграма па развіцці супрацоўніцтва Беларусі з дзяржавамі Афрыкі на 2024-2026 гады. Яе мэта - аднавіць максімальныя аб'ёмы экспарту (у лепшыя гады ён дасягаў $410 млн) і істотна перасягнуць іх.
"Для гэтага вызначаны кропкі, краіны і гэтак далей. Але хто з вас колькі разоў там быў? - спытаў прэм'ер-міністр ва ўдзельнікаў нарады. - Задачы сфарміраваны па гадах у разрэзе ўсіх галін, і спагнанне за гэта будзе жорсткае, калі не вельмі жорсткае".
Кіраўнік дзяржавы таксама патрабуе не забываць аб расійскім рынку. Па шэрагу пазіцый беларускія прадпрыемствы праселі. Але Аляксандр Лукашэнка падкрэслівае: трэба закасаць рукавы і працаваць.
"Мы на пасяджэнні прэзідыума дэталёва разгледзелі пытанні экспартных паставак Мінпрама ў Расію, на далёкую дугу і гэтак далей. Разабралі ўсе праблемы і недахопы, скарэкціравалі планы", - далажыў Раман Галоўчанка.
Ён таксама звярнуў увагу, што якаснае пераўтварэнне прамысловага комплексу павінна ісці праз інвестыцыі і інавацыі, а значыць, трэба мадэрнізаваць цяперашнія і будаваць новыя магутнасці. "Прапаную зрабіць адзіную праграму мадэрнізацыі прамысловасці і паставіць на кантроль ва ўрадзе. Гэты спосаб сябе апраўдаў пры рэалізацыі перспектыўных імпартазамяшчальных праектаў", - сказаў прэм'ер-міністр.-0-
