Дзіяна Панчанка. Скрыншот відэа БЕЛТА
Навіны сюжэта
"Праект "У тэме" на YouTube-канале БЕЛТА "
22 студзеня, Мінск /Кар. БЕЛТА/. Украінская журналістка Дзіяна Панчанка ў праекце "У тэме" на YouTube-канале БЕЛТА падзялілася меркаваннем, пры якіх умовах Украіна зможа аднавіць адносіны з Беларуссю.
"Умова ўсяго адна - заканчэнне вайны. І людзі самі да гэтага прыйдуць. Трэба проста закончыць вайну і спыніць гэту жудасную прапаганду. Ва Украіне сёння працуе толькі адзін канал. У краіне, якую называюць свабоднай, працуе адзін канал. Людзі трапляюць у СІЗА за лайкі ў сацсетках. Гэта не жарт, не расійская прапаганда - гэта проста рэальнасць", - сказала Дзіяна Панчанка.
Украінская журналістка адзначыла, што ва Украіне ёй пагражае пажыццёвае зняволенне за пост у Telegram. Размова ў публікацыі ішла аб тым, што Украіна павінна правесці мірныя перагаворы, каб захавацца як дзяржава. "Я не жартую, гэта запісана ў матэрыялах маёй крымінальнай справы", - падкрэсліла яна.
На думку Дзіяны Панчанка, пасля заканчэння баявых дзеянняў украінцы змогуць прыйсці да ўзаемаразумення з беларусамі і расіянамі. "Гэта не адбудзецца за адзін дзень. Над гэтым таксама трэба будзе працаваць. Але гэта ўсё роўна адбудзецца. Ведаеце чаму? Можна як хочаце спрабаваць змяніць прыроду, павярнуць рэкі назад. Але прырода возьме сваё. Мы братэрскія народы. Так было, ёсць і заўсёды будзе", - упэўнена журналістка.
Яна канстатавала, што над Украінай доўгі час праводзіўся своеасаблівы эксперымент: "Каб апісаць увесь жах гэтага эксперымента, мне давялося напісаць кнігу. Эксперымент гэты пачаўся не ў 2014-м, нават не ў 1991 годзе. Над гэтым пачалі працаваць пасля заканчэння Вялікай Айчыннай вайны".
Вяртаючыся да тэмы Беларусі, Дзіяна Панчанка заўважыла, што Прэзідэнт Беларусі Аляксандр Лукашэнка некалі быў самым папулярным замежным палітыкам ва Украіне. Акрамя таго, украінцы і беларусы з цеплынёй ставяцца адзін да аднаго, дадала журналістка.
"Каб зразумець, чым усё закончыцца, трэба прасачыць адну маленькую гісторыю. Паглядзіце на развіццё ўзаемаадносін Украіны і Польшчы. Памятаеце гэтыя абдымкі ў пачатку вайны? А што цяпер? А цяпер вядомых украінскіх тэлевядучых на вуліцы (у Польшчы. - Заўвага БЕЛТА) называюць непрыстойнымі словамі. Гісторыя настолькі цыклічная і часам усё так прадказальна", - сказала на заканчэнне ўкраінская журналістка.-0-
"Умова ўсяго адна - заканчэнне вайны. І людзі самі да гэтага прыйдуць. Трэба проста закончыць вайну і спыніць гэту жудасную прапаганду. Ва Украіне сёння працуе толькі адзін канал. У краіне, якую называюць свабоднай, працуе адзін канал. Людзі трапляюць у СІЗА за лайкі ў сацсетках. Гэта не жарт, не расійская прапаганда - гэта проста рэальнасць", - сказала Дзіяна Панчанка.
Украінская журналістка адзначыла, што ва Украіне ёй пагражае пажыццёвае зняволенне за пост у Telegram. Размова ў публікацыі ішла аб тым, што Украіна павінна правесці мірныя перагаворы, каб захавацца як дзяржава. "Я не жартую, гэта запісана ў матэрыялах маёй крымінальнай справы", - падкрэсліла яна.
На думку Дзіяны Панчанка, пасля заканчэння баявых дзеянняў украінцы змогуць прыйсці да ўзаемаразумення з беларусамі і расіянамі. "Гэта не адбудзецца за адзін дзень. Над гэтым таксама трэба будзе працаваць. Але гэта ўсё роўна адбудзецца. Ведаеце чаму? Можна як хочаце спрабаваць змяніць прыроду, павярнуць рэкі назад. Але прырода возьме сваё. Мы братэрскія народы. Так было, ёсць і заўсёды будзе", - упэўнена журналістка.
Яна канстатавала, што над Украінай доўгі час праводзіўся своеасаблівы эксперымент: "Каб апісаць увесь жах гэтага эксперымента, мне давялося напісаць кнігу. Эксперымент гэты пачаўся не ў 2014-м, нават не ў 1991 годзе. Над гэтым пачалі працаваць пасля заканчэння Вялікай Айчыннай вайны".
Вяртаючыся да тэмы Беларусі, Дзіяна Панчанка заўважыла, што Прэзідэнт Беларусі Аляксандр Лукашэнка некалі быў самым папулярным замежным палітыкам ва Украіне. Акрамя таго, украінцы і беларусы з цеплынёй ставяцца адзін да аднаго, дадала журналістка.
"Каб зразумець, чым усё закончыцца, трэба прасачыць адну маленькую гісторыю. Паглядзіце на развіццё ўзаемаадносін Украіны і Польшчы. Памятаеце гэтыя абдымкі ў пачатку вайны? А што цяпер? А цяпер вядомых украінскіх тэлевядучых на вуліцы (у Польшчы. - Заўвага БЕЛТА) называюць непрыстойнымі словамі. Гісторыя настолькі цыклічная і часам усё так прадказальна", - сказала на заканчэнне ўкраінская журналістка.-0-
Падпісвайцеся на нас у
