Сцяг Чацвер, 25 ліпеня 2024
Усе навіны
Усе навіны
Грамадства
11 ліпеня 2024, 12:56

Умацоўваючы бяспеку і давер. У Шанхаі прайшла сустрэча пагранслужбаў краін ШАС

Фота Дзяржпагранкамітэта
Фота Дзяржпагранкамітэта
11 ліпеня, Мінск /Кар. БЕЛТА/. У Шанхаі адбылося дзясятае пасяджэнне кіраўнікоў пагранічных службаў кампетэнтных органаў дзяржаў - членаў ШАС пад старшынствам Кітая. Аб гэтым БЕЛТА паведамілі ў Дзяржпагранкамітэце.

У пасяджэнні прынялі ўдзел дэлегацыі Індыі, Ірана, Казахстана, Кітая, Кыргызстана, Пакістана, Расіі, Таджыкістана, Узбекістана і Выканаўчага камітэта Рэгіянальнай антытэрарыстычнай структуры ШАС. Упершыню ў якасці паўнапраўнага члена арганізацыі ў прадстаўнічым форуме ўдзельнічала дэлегацыя Беларусі. Яе ўзначальваў старшыня Дзяржаўнага пагранічнага камітэта Канстанцін Моластаў.

Удзельнікі пасяджэння абмяняліся інфармацыяй, якая адлюстроўвае ацэнкі абстаноўкі на дзяржаўных граніцах краін ШАС, тэндэнцыі і прагнозы яе развіцця. Таксама прынята да ведама інфармацыя кітайскага боку аб выніках пагранічных аперацый на рубяжах ШАС па барацьбе з тэрарызмам, экстрэмізмам і трансгранічнай злачыннасцю. Быў разгледжаны план работы групы экспертаў пагранічных службаў кампетэнтных органаў дзяржаў - членаў ШАС на 2025 год. Акрамя таго, абмеркаваны прапановы аб месцы і тэрмінах правядзення наступнага пасяджэння кіраўнікоў пагранічных службаў кампетэнтных органаў дзяржаў ШАС.

Кіраўнікамі ведамстваў адзначана, што прафесійны абмен думкамі і выпрацоўка агульных пазіцый па пытаннях процідзеяння новым выклікам і пагрозам на рубяжах арганізацыі будуць садзейнічаць далейшаму развіццю супрацоўніцтва пагранічных службаў кампетэнтных органаў дзяржаў - членаў ШАС, умацаванню бяспекі і даверу на граніцах.-0-
Падпісвайцеся на нас у
Twitter
Топ-навіны
Свежыя навіны Беларусі