ДЗЯРЖОРГАНЫДЗЯРЖОРГАНЫ
Флаг Пятніца, 7 кастрычніка 2022
Мінск Ясна +11°C
Усе навіны
Усе навіны
Грамадства
11 жніўня 2022, 12:49

Украінскія хлопчыкі і дзяўчынкі адправіліся на аздараўленне ў лагер "Сожскі бераг" пад Гомелем

Фота з архіва
Фота з архіва

11 жніўня, Гомель /Кар. БЕЛТА/. 20 хлопчыкаў і дзяўчынак з Украіны адправіліся на адпачынак у лагер "Сожскі бераг" у Гомельскім раёне, паведаміў карэспандэнту БЕЛТА начальнік арганізацыйна-кадравага аддзела Гомельскай абласной арганізацыі Беларускага Чырвонага Крыжа Арцём Карпенка.

Дзіцячы аздараўленчы лагер размешчаны ў курортнай зоне пасёлка Чонкі. Гэтыя летнія дні дзеці правядуць у экалагічна чыстай зоне, у акружэнні сасновага бору і клапатлівых выхавальнікаў.

"Да 28 жніўня іх чакае насычаная праграма, з жадаючымі будзе працаваць псіхолаг. Яркім святам для дзяцей стане Дзень Чырвонага Крыжа. Настрой будуць дарыць клоўны і роставыя лялькі. Арганізуем дваровыя гульні і мноства іншых сюрпрызаў", - расказаў Арцём Карпенка.

Летняе аздараўленне дзяцей стала магчымым дзякуючы супрацоўніцтву Гомельскай абласной арганізацыі Беларускага Чырвонага Крыжа з прадстаўніцтвам ЮНІСЕФ у Рэспубліцы Беларусь.

Супрацоўнікі і валанцёры Гомельскай абласной арганізацыі Беларускага Чырвонага Крыжа суправаджаюць вымушаных перасяленцаў з Украіны з першага дня іх прыбыцця ў паўднёва-ўсходні рэгіён. Мабільныя пункты дапамогі былі размешчаны паблізу граніцы, таксама падтрымлівалі ўкраінскіх грамадзян у час знаходжання ў санаторыях. Не абыдзецца без іх удзелу і падрыхтоўка дзяцей да навучальнага года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі